साउदी अरबको भेट उद्योगसम्म

राष्ट्र न्यूज सम्वाददाता
मंसिर २, २०७४
DSC00156

पोखरा, २ मंसिर। वैदेशिक रोजगारबाट फर्केका चार जना युवाको समूहले गार्मेन्ट उद्योग संचालन गरेका छन्।

पोखरा लेखनाथ महानगरपालिका वडा नं ५ पस्र्याङका केशव शर्मा सापकोटा, उदयपुर बसाही नगरपालिका वडा नं ८ का राजकुमार मगर, काठमाण्डौ महानगरपालिका वडा नं १३ का निराजन कार्की र चितवन भरतपूरका राजु ज्ञवालीले उद्योग संचालन गरेका हुन्।

उनीहरुले चन्द्रगिरी नगरपालिका वडा नं ६ थानकोटमा लुक गुड निटवेयर नामक गार्मेन्ट उद्योग संचालनमा ल्याएका छन्।

विभिन्न स्थानमा ती युवाको भेट साउदी अरवमा भएको थियो। सवैजसोले झण्डै १० वर्ष साउदी अरबको ल्याण्डमार्क गु्रुप(म्याक्स फेशन)मा काम गर्ने क्रममा भेट भएको हो।

साउदी अरबमा भएको भेटको यात्रा उद्योगसम्म आइपुगेका छ उनीहरुले भने – ‘स्वेदशमै केहि गर्नुपर्छ भनेर फर्केका हौ।’

उनीहरुले मासिक एकदेखि डेढलाखसम्म आम्दानी गर्दथे। एक वटा विक्री कक्ष सहित उद्योग संचालनका लागि झण्डै ७० लाख लगानी भैसकेको छ।

काठमाण्डौमा दुई र चितवन, हेटौडा, इटहरि र पोखरामा एक÷एक विक्री कक्ष संचालनगर्दामा उद्योगको लगानी डेढ करोड पुग्ने अनुमान। उद्योगबाट १० जनाले रोजगारी समेत पाएका छन्। उद्योगका लागि आवश्यक कच्चा पदार्थ केहि नेपालकै र केहि चाइना, इन्डिया र कोरियाको प्रयोग गरिने बताइएको छ।

उद्योगबाट टिसर्ट, जकेट, पेण्ट र सर्ट लगायतका लत्ताकपडा उत्पादन हुन शुरु गरिसकेको छ। उत्पादित लत्ताकपडा विक्री गर्नका लागि पहिलो पटक पोखराको लेकसाइडमा विक्री कक्ष राखिएको छ।

लगानीकर्ता केशव शर्माले मेहनत गरेर मुलुकमा नै कमाउन सकिने बताए। सकभर विदेश नजानुस् उनले भने – ‘जानै परे सिप र अनुभव लिएर मुलकमै फर्कनुस।’

उद्योग संचालनमा जुटेका युवाहरुले जस्तोसुकै संघर्ष गरेर पनि उद्योग सफल बनाउने अठोट व्यक्त गरे। अब जे गर्छाै मुलुकभित्रै गर्छु अर्का लगानीकर्ता निराजन कार्कीले भने – ‘अमेरिकाको भिसा आएपनि जान्न।’

Related News

सम्बन्धित समाचार

  • समानुपातिकतर्फको सिट बाँडफाँटसहित दलहरूलाई पत्र

    रासस मंसिर २१, २०७९
    काठमाडौँ, २१ मङ्सिर (रासस) :यही मङ्सिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनअन्तर्गत समानुपातिक प्रणालीतर्फ सबै मतगणना सकिएपछि निर्वाचन…
  • बेपत्ता दुईको शव फेला

    रासस मंसिर १८, २०७९
    नेपालगञ्ज, १८ मङ्सिर (रासस):बाँकेको राप्ती नदीमा बगेर बेपत्ता भएका दुई जनाको शव आज फेला परेको छ । बयर खान जङ्गल…
  • हराएको बुद्धको मूर्ति ४८ वर्ष पछि भेटियो

    रासस मंसिर ९, २०७९
    धुलिखेल, ९ मङ्सिर (रासस) :काभ्रेपलाञ्चोकको बनेपा नगरपालिका–८ बाट २०३१ सालमा हराएको शाक्यमुनि बुद्धको मूर्ति राष्ट्रिय सङ्ग्रहालय छाउनीमा फेला परेको छ…
  • जित्नेमा ढुक्क छु – किशोर

    राष्ट्र न्यूज सम्वाददाता मंसिर १, २०७९
    पोखरा, १ मंसिर । कास्की क्षेत्र नं १ का प्रतिनिधि सभा सदस्य उम्मेद्बार किशोरदत्त बरालले आफू निर्वाचन जित्नेमा ढुक्क भएको…
  • उम्मेद्बार बरालको घरदैलो तथा मतदाता भेटघाट जारी

    राष्ट्र न्यूज सम्वाददाता कार्तिक २६, २०७९
    पोखरा, २६ कात्तिक । कास्की क्षेत्र नं १ का प्रतिनिधि सभा सदस्य उम्मेद्बार किशोरदत्त बरालले शनिवार घरदैलो तथा मतदाता भेटघाट…