चुनाव भाँड्न भिआइपी मार्ने योजना, चार भारतीय ‘सुटर’ पोखराबाट पक्राउ

राष्ट्र न्यूज सम्वाददाता
कार्तिक १८, २०७४
shoot

पोखरा, १८ कार्तिक / नेपाल प्रहरीले चार जना भारतीयलाई पोखराबाट पक्राउ गरेको छ । काठमाण्डौंको कमलादीबाट पेस्तोलसहित दुई जना भारतीय सुटर पक्राउ परेको घटना सेलाउन नपाउदै पोखरा प्रहरीले ४ भारतीयलाई शुक्रबार राति पोखराको सिद्धार्थ चोकबाट पक्राउ गरेको छ ।

पोखरा प्रहरी प्रमुख एसपी अशोक सिंहले चार जना भारतीय सुटरसहित १२ जनालाई शुक्रवार राति पक्राउ गरिएको पुष्टि गरे । एसपी सिंहले घटनाको बारेमा अनुसन्धान भइरहेको बताए । भारतीय नागरीकसहित १२ जनालाई प्रहरीले नियन्त्रणमा लिएको छ ।

प्रहरी स्रोतकाअनुसार चार जना भारतीयहरु भारतको राजस्थानमा आतंक मच्चाएर नेपाल छिरेका हुन् । उनीहरुमाथी सर्वसाधरणको हत्या गरेको र हप्ता असुली गरेको आरोप छ ।

नेपाल प्रहरीको केन्द्रिय अनुसन्धान ब्युरोलाई भारतीय प्रहरीले उनिहरुको खोजि गरिदिन आग्रह गर्दैै आएको थियो । पोखरा प्रहरीको सहयोगमा ब्युरोबाट सादा पोसाकमा खटिएको टोलीले उनीहरुलाई सिद्धार्थ चोकमा पसलमा सामान किनिरहेको बेला पक्राउ गरेको हो ।

निर्वाचनका समयमा यसरी भारती सुटर पक्राउ पर्दा भिआई हत्या गरी चुनाव भाँड्ने गोप्य योजना समेत भएको हुन सक्ने बताइएको छ ।

पक्राउ परेका भारतीय अपराधीलाई काठमाडौं प्रहरीको सहयोगमा भारत प्रहरीलाई बुझाउने १ प्रहरी अधिकृतले बताए । ‘अहिले कास्की प्रहरीको हिरासतमा छन्,’ उनले भने, ‘काठमाडौंबाट प्रहरी आएपछि उनीहरुलाई भारत प्रहरीको जिम्मा लगाइन्छ ।’

विगतमा जस्तै पछिल्ला समय पनि भारतका अपराधीहरु घटना घटाएर नेपाल लुक्न आउँछन् । नेपाल प्रहरीको सहयोगमा त्यस्ता अपराधीलाई पक्राउ गरीभारत प्रहरीलाई जिम्मा लगाउँदै आएको छ । यद्यपि नेपाल र भारतबीच सुपुर्दगी सन्धि भएको छैन । बितेको भदौ २५ गते काठमाडौंमा यस्तै भारतीय सुटर पक्राउ परेका थिए ।

पटकपटक पक्राउ पर्दा नाम परिवर्तन गर्दै उम्केका भारत मोतिहारी रक्सौल–१ घर भएका बब्लु तिवारीलाई नेपाल प्रहरीले पक्राउ गरेको थियो ।

प्रहरीका अनुसार बब्लुले भारतमा मात्र नभएर नेपालको सीमा क्षेत्रमा पनि उत्तिकै आतंक मच्चाएका थिए । केही महिनाअघि बब्लुले भैरहवाका उद्योगी तथा सिद्धार्थ उद्योग वाणिज्य संघका उपाध्यक्ष कुलप्रसाद न्यौपानेलाई गोली प्रहार गरी हत्याको प्रयास गरेका थिए ।

नेपाल समाचारपत्र/समाधान

Related News

सम्बन्धित समाचार

  • जुवा खेलिरहेका सात जना पक्राउ

    राष्ट्र न्यूज सम्वाददाता माघ २१, २०८०
    पोखरा, २१ माघ । प्रहरीले पोखरामा जुवा खेलिरहेको अवस्थामा सात जनालाई पक्राउ गरेको छ । पोखरा म.न.पा. वडा नं.१२ अमरसिंह…
  • कास्कीमा सात पत्रकार सम्मानित

    राष्ट्र न्यूज सम्वाददाता माघ १२, २०८०
    पोखरा, १२ माघ । नेपाल पत्रकार महासंघ कास्कीले आयोजना गरेको पत्रकारिता पुरस्कार अर्पण समारोहमा सात पत्रकार सम्मानित हुनुभएको छ ।…
  • सेती नदीमा मिश्रको शव भेटियो

    राष्ट्र न्यूज सम्वाददाता मंसिर २८, २०८०
    पोखरा, २८ मंसिर । मंसिर २५ गतेदेखि हराइरहेका एक युवकको आज शव भेटिएको छ । तनहुँ स्थायी घर भई हाल…
  • पोखरामा अन्तर्राष्ट्रिय पर्वतीय महोत्सव सुरु

    राष्ट्र न्यूज सम्वाददाता मंसिर २२, २०८०
    पोखरा, २२ मंसिर । आठौं संस्करणको अन्तर्राष्ट्रिय पर्वतीय महोत्सव पोखरामा सुरु भएको छ । नेपाल पर्वतारोहण संघले अन्तर्राष्ट्रिय पर्वतीय दिवसको…
  • पोखरामा विश्व एड्स दिवस मनाइयो

    राष्ट्र न्यूज सम्वाददाता मंसिर १६, २०८०
    पोखरा, १६ मंसिर । ३६ औँ विश्व एड्स दिवस “समुदायको नेतृत्वमा एड्स अन्त्य गरौँ” भन्ने मुल नाराका साथ विविध कार्यक्रम…