देशलाई कास्की जिल्लाको एक प्रतिशत मात्र योगदान ! पोखराका ठूला होटलले कर तिर्दैनन्

राष्ट्र न्यूज सम्वाददाता
कार्तिक ७, २०७४
Pokhara

पोखरा, १ कार्तिक । आन्तरिक राजश्व कार्यालय पोखराका प्रमु्ख कर अधिकृतका रुपमा केशवकुमार उप्रेती पोखरा आएका छन् । पोखरा उद्योग वाणिज्य संघले नवआगन्तुक प्रमुख कर अधिकृत उप्रेतीलाई स्वागत तथा सम्मान गर्न राखेको कार्यक्रममा उनले स्पष्ट साथ कुराहरु राखे ।

उप्रेतिले कर प्रशासनले उद्योगी/व्यवसायीलाई अनावश्यक दुृःख नदिने तर कर नतिर्नेहरुलाई कानून अनुसार कसैलाई छुट पनि नदिने बताउनुभयो । नेपाल सरकारले उद्योगी/व्यवसायीलाई विश्वास गरेर स्वयं कर निर्धारणको अधिकार दिएको बताउँदै उहाँले पैसा कमाएपछि त्यसको स्रोत देखाउनु पर्ने वाध्यकारी नियमलाई ध्यान दिन व्यवसायीहरुलाई आग्रह पनि गर्नुभयो ।

कास्की जिल्लाले देशको कुल राजश्वमा करिब एक प्रतिशतको मात्र योगदान गरेको चर्चा गर्दै प्रमुख कर अधिकृत उप्रेतीले यहाँका होटलहरुले कम राजश्व तिरेको जिकिर समेत गर्नुभयो ।

‘यहाँबाट मूल्य अभिवृद्धि कर( भ्याट) मा थोरै मात्र योगदान छ,यहाँका १७ वटा मात्र होटलले एक लाखभन्दा बढी भ्याट तिर्छन्, त्यो पनि ५ लाखभन्दा बढी छैन’, उहाँले भन्नुभयो,‘लेकसाइडभर पर्यटक भरिभराउ देखिन्छन्, यहाँका होटल व्यवसायीलाई अनुगमन नपुगे जस्तो छ ।’ उहाँले दायरा बढाउँदै करको दायरामा नआएका व्यवसायीलाई पनि करको दायरामा ल्याउनको लागि विशेष कार्यक्रम संचालन गरिने जानकारी पनि दिनुभयो । पोके व्यापारी नियन्त्रणको लागि तत्काल प्रभावकारी कदम चालिने उहाँको आश्वासन थियो ।

कार्यक्रम तथा पोखरा उद्योग वाणिज्य संघका अध्यक्ष विश्वशंकर पालिखेले फुटपाथको अनधिकृत व्यवसाय तथा पोके व्यापारीका कारण कर तिरेर व्यवसाय गर्नेहरु मर्कामा परेको बताउनुभयो । कर बुझाउनु नागरिकको कर्तव्य भएको उल्लेख गर्दै उहाँले पोखरा उद्योग वाणिज्य संघ सदैव सामाजिक उत्तरदायित्वपूर्ण व्यवसायको पक्षमा रहेको जिकिर गर्नुभयो । समग्र पोखराको विकासमा संघले पु¥याएको योगदानबारे संक्षिप्त चर्चा गर्दै उहाँले व्यवसाय मैत्री कर प्रशासनलाई सघाउन आफूहरु सदैव तयार रहेको बताउनुभयो । संघका निवर्तमान अध्यक्ष विन्दुकुमार थापाले आन्तरिक राजश्व कार्यालयलाई व्यवसायी मैत्री वातावरण निर्माणको लागि आग्रह गर्नुभयो ।

पोखरा उद्योग वाणिज्य संघका वरिष्ठ उपाध्यक्ष रविन्द्रबहादुर प्रजुको धन्यवाद तथा महासचिव दामु अधिकारीको संचालन रहेको कार्यक्रममा बोल्ने व्यवसायीहरुले करको दायरामा नआउने व्यवसायीहरुलाई नियन्त्रण गर्नु पर्ने, कर प्रशासनबाट व्यवसायीहरुलाई अनावश्यक दुःख दिन नहुने लगायतका सुझावहरु दिनुभएको थियो ।

Related News

सम्बन्धित समाचार

  • छुट्टाछुट्टै घटनामा तीन जनाको मृत्यु

    रासस कार्तिक ७, २०७८
    मलङ्गवा, ७ कात्तिक (रासस) । सर्लाहीमा शनिबार बेग्लाबेग्लै दुर्घटनामा परेर तीन जनाको मृत्यु भएको छ । करेन्ट लागेर दुई जनाको…
  • नेपालमा कोरोना सङ्क्रमण ६० प्रतिशतले घट्यो

    रासस असाेज २४, २०७८
    काठमाडौं, २४ असोज (रासस)।नेपालमा कोरोना भाइरसको सङ्क्रमण ६० प्रतिशतले घटेको जनाइएको छ । स्वास्थ्य तथा जनसङ्ख्या मन्त्रालये ६० प्रतिशतले सङ्क्रमण…
  • टेलिकमको एफटिएच प्रविधि लमजुङ जिल्लामा सुरु

    राष्ट्र न्यूज सम्वाददाता असाेज २१, २०७८
    पोखरा, २१ असोज । नेपाल टेलिकमको द्रुत गतिमा इन्टरनेट चल्ने एफटिएच प्रविधि लमजुङ जिल्लामा सुरु भएको छ। नेपाल टेलिकम पोखराका…
  • सिग्देललाई मातृ शोक

    राष्ट्र न्यूज सम्वाददाता भाद्र ३०, २०७८
    पोखरा, ३० भदौ । पूर्व कर्मचारी सेवा परिषद् कास्कीका पूर्व अध्यक्ष कृष्णकान्त सिग्देललाई मातृ शोक परेको छ । उहाँकी ममतामयी…
  • उपसभापतिमा अधिकारीको उम्मेद्वारी

    राष्ट्र न्यूज सम्वाददाता भाद्र २५, २०७८
    पोखरा, २५ भदौ । पोखरा महानगरपालिका वडा नं ३३ बागमाराका कृष्ण प्रसाद अधिकारीले उपसभापति पदमा आफ्नो उम्मेद्वारी घोषणा गर्नुभएको छ…