पोखरा, २२ चैत । रेडियो अन्नपूर्णको १९ औं वृहत रक्तदान कार्यक्रममा २४३ युनिट रगत संकलन भएको छ ।
कार्यक्रममा १ सय ९९ जना पुरुष र ४४ जना महिलाले रक्तदान गरे । नेत्रहीन संघ कास्कीका १५ जना दृष्टिविहिनले समेत रक्तदान गरेका छन् ।
कार्यक्रमको उद्घाटन गर्दै जिल्ला प्रशासन कार्यालय कास्कीका प्रमुख जिल्ला अधिकारी थानेश्वर गौतमले रेडियोले रक्तदान कार्यक्रम गरेर सामाजिक उत्तरदायित्व बहन गरेको बताए ।
गण्डकी प्रदेश खेलकुद परिषद्का सदस्य सचिव तेज गुरुङले सामाजिक परिवर्तनको अभियानमा विगत २० वर्षदेखि रेडियो अन्नपूर्ण अनवरत रुपले लागिरहेको बताए ।
पोखरा उद्योग वाणिज्य संघका महासचिव सुरेन्द्रमान बिजुक्छेले रेडियोले वर्षेनी आयोजना गर्दै आएको रक्तदान कार्यक्रमले धेरै नयाँ रक्तदाता जन्माएको उल्लेख गरे ।
रेडियोका अध्यक्ष विश्वशंकर पालिखेले विगत १९ वर्षदेखि रेडियोले रक्तदान कार्यक्रमलाई निरन्तरता दिँदै आएको जानकारी गराए ।
प्राइम सहकारी संस्थाका अध्यक्ष निर्देश कोइराला, नेपाल इन्स्योरेन्स प्रोफेशनल सोसाइटीका अध्यक्ष कविराज पौडेल, नेलेम्बो नेपालका अध्यक्ष यज्ञ प्रसाद देवकोटा, रेडियोका स्टेशन म्यानेजर संजयकुमार मल्ल, रेडियो अन्नपूर्णकर्मी दीननाथ बरालले बोलेका थिए ।
महोत्सवमा १७ लाख बढीको आलु कारोवार
चैत्र ३०, २०८१हेमजा महोत्सवमा आलु किन्नेको घुइँचो
चैत्र २८, २०८१आलु महोत्सवमा बढ्दो दर्शक सहभागिता
चैत्र २७, २०८१आलुको पहाडसँगै तस्विर खिच्नेको भीड
चैत्र २६, २०८१महोत्सवमा १७ लाख बढीको आलु कारोवार
चैत्र ३०, २०८१
Related News
सम्बन्धित समाचार
आलु महोत्सव भोली सकिदै
कृषिको उत्सव आलु महोत्सव
महोत्सवमा १७ लाख बढीको आलु कारोवार
हेमजा महोत्सवमा आलु किन्नेको घुइँचो
आलु महोत्सवमा बढ्दो दर्शक सहभागिता