पोखरा, ११ फागुन । नेपाली काँग्रेस कास्कीको बैठक शुक्रबार बसेको छ ।
बैठकले विभिन्न विषयमा पाँच वटा निर्णय गरेको जिल्ला सदस्य नवीन सिग्देलले जानकारी दिए ।
बैठकले फागुन मसान्तभित्र कास्कीका ६ वटै प्रदेशमा प्रदेशस्तरीय भेला गर्न क्षेत्रीय समितिलाई निर्देशन दिएको छ ।
फागुन महिनाभित्र नै भातृ तथा शुभेच्छुक संघ संस्थाको संयुक्त बैठक गर्ने निर्णय गरेको छ ।
साथै बैठकले नेपाल रेडक्रस सोसाईटी कास्कीको फागुन १९ गते हुने अधिवेशनमा पार्टीको तर्फबाट आवश्यक समन्वय गर्न जिल्ला सचिव रामराज लामिछानेको संयोजकत्वमा तीन सदस्यीय समिति गठन गरेको छ । समितिको सदस्यमा युवराज कुँवर र युवक लामिछाने छन् ।
बैठकले डिएलएसँग समन्वय गरी फागुन मसान्तसम्म कास्कीमा महासमिति सदस्यको निर्वाचन गराउन क्षेत्रीय समितिलाई निर्देशन दिएको छ ।
साथै बैठकले स्थानीय तहमा निर्वाचित पदाधिकारी एवं सदस्यको भेला गर्ने निर्णयगर्दै तयारीका लागि जिल्ला सदस्य युवराज कुँवरलाई संयोजक तोकेको छ।
बैठक कास्की काँग्रेसका सभापति कृष्ण केसीको अध्यक्षतामा भएको थियो ।
Related News
सम्बन्धित समाचार
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
Archives
Archives