पोखरा ।नेपाली काँग्रेस कास्की क्षेत्र नम्बर १ का उम्मेदवार तिलक रानाभाटले आफ्नो प्रचारप्रसार अभियान अन्तर्गत पोखरा  महानगरपालिका वडा नम्बर २९ का विभिन्न टोल तथा आमा समूहहरूमा भेटघाट तथा सुझाव सङ्कलन गरेका छन्।  

पोखरा २९ अन्तर्गत विभिन्न युवा क्लब आमा समूह तथा स्थानीय मतदाताहरूसँग भेटघाट तथा अन्तरक्रिया गर्दै उम्मेदवार तिलक रानाभाटले लेखनाथ रङ्गशालाको निर्माण पूरा गर्ने आफ्नो प्रमुख एजेन्डा रहेको बताएका छन्। उनले अत्यन्तै सम्भावना बोकेको लेखनाथ रङ्गशालामा अन्तर्राष्ट्रिय स्तरको खेल खेलाउन आफूले चुनाव जिते पश्चात् पहिलो प्रस्ताव राष्ट्रिय स्तरको रङ्गशालाको पुरा प्यारा फिट सहितको रङ्गशाला निर्माण गर्ने प्रतिबद्धता जनाएका छन्।

पोखरा महानगरपालिका वडा नम्बर २९ घरेलु तथा मतदाता भेटघाट कार्यक्रम अन्तर्गत पुलचोक पटनेरि नवदुर्गामा समूह आमा मिलन समूह १५ साल आमा समूह नौबिसे टोल नयाँ बस्ती भण्डारी लगायतका स्थानहरूमा भेटघाट तथा सुझाव सङ्कलन सम्पन्न भएको हो। 

कार्यक्रममा बोल्दै नेपाली काँग्रेस कास्कीका उपसभापति रामबाबु भण्डारीले सचिएको र सुधारिएको नेपाली काँग्रेसको नेतृत्वमा अबको सरकार बन्ने र विकास र समृद्धिको ढोका खोल्ने उद्घोष गरेका छन् । सोही कार्यक्रममा महाधिवेशन प्रतिनिधि सुर जङ्ग राणा, नेपाल तरुण दलका केन्द्रीय सदस्य सागर गुरुङ, क्षेत्रीय सदस्य सनबहादुर गुरुङ, स्थानीय नेताहरू चन्द्रावती पौडेल, किरण भण्डारी, बिन्दु भण्डारी, दिलकुमारी गुरुङ, कमल बहादुर गुरुङ, मनसुन गुरुङ, टिका गुरुङ, दयराज भण्डारी, विद्यार्थी नेता रसिसहरी भण्डारी, राजीव भण्डारी, राजन भण्डारी लगायतले उम्मेदवार रानाभाटलाई विजयको भव्य सफलताको शुभकामना व्यक्त गरेका थिए। 
कार्यक्रम नेपाली काँग्रेस पोखरा २९ का कार्यवहाक सभापति चिन बहादुर गुरुङको अध्यक्षतामा सम्पन्न भएको क्षेत्रीय सचिव ओम प्रकाश गुरुङले जानकारी दिए।