पोखरा । गौरीशङ्कर बचत तथा ऋण सहकारी संस्था लि. को २० औ वार्षिक साधारण सभाले  केशव शरण पौडेलको अध्यक्षतामा नयाँ सञ्चालक समिति सर्वसम्मत चयन गरेको छ ।

सञ्चालक समितिको उपाध्यक्षमा घनश्याम तिम्सिना, सचिव कृष्ण बहादुर थापा, कोषाध्यक्षमा टिकाराम बाँस्तोला र सदस्यहरूमा शोभराज भुर्तेल,  जगन्नाथ पौडेल, मिना कुँवर, रितु खड्का र रिता चपाई  चयन भएका छन् ।

त्यसै गरी लेखा सुपरिवेक्षण समितिको संयोजकमा दल बहादुर कुँवर तथा सदस्यहरूमा रामचन्द्र सुवेदी र शिरोधर पौडेल रहेका छन् । वरिष्ठ अधिवक्ता माधव राज बास्तोलाको संयोजकत्वमा सदस्य ईश्वरी प्रसाद बास्तोला र विष्णुहरि पौडेल रहेको निर्वाचन उप समितिले नयाँ सञ्चालक समिति सर्वसम्मत गठन गरेको हो । नवनिर्वाचित सञ्चालक समितिलाई निर्वाचन उप समितिका संयोजक वरिष्ठ अधिवक्ता बास्तोलाले पद तथा गोपनीयताको शपथ खुवाएका थिए भने संस्थाका संस्थापक अध्यक्ष डबल बहादुर कुँवरले नवनिर्वाचित सञ्चालक समितिलाई सफलताको शुभकामना व्यक्त गरेका थिए ।

संस्थामा शेयर सदस्य सङ्ख्या ठुलो भएकाले सहकारी विभाग र राष्ट्रिय सहकारी नियमन प्राधिकरणबाट जारी गरिएको साधारण सभा सञ्चालन जारी निर्देशन बमोजिम ४ वटा इकाईको सभाहरू सम्पन्न गरी अन्तिममा प्रतिनिधि सदस्यहरू मार्फत सभाको निर्णय प्रमाणीकरण गर्ने कार्यक्रममा नयाँ सञ्चालक समिति गठन भएको हो ।

यस अघि शुक्रवार पोखरा–२५ हेमजाको साबिक वडा नं. ६,७, ८ र अन्नपूर्ण गाउँ पालिकाका शेयर सदस्यहरू पोखरा वडा नं. २५ बाहेकका अन्य सबै वडा र चाउथे र शनिवार पोखरा–२५ हेमजा साबिक वडा नं. ९ र माछापुच्छ«े गाउँपालिका, पोखरा–२५ हेमजाका साविका वडा १,२,३,४ र ५ को साधारण सभा गरी इकाई प्रतिनिधि चयन गरी  सोमबार इकाई प्रतिनिधिहरूले इकाइबाट आएका सुझाव तथा निर्णयहरू प्रमाणित गरेका थिए ।

कास्की जिल्लामा अब्बल साबित वनेको यस संस्थाको शेयर पुँजी १४ करोड ४१ लाख ६४ हजार ८ सय, बचत तथा निक्षेप सङ्कलन १ अर्ब १५ करोड २१ लाख ९७ हजार ८ सय ७६ रुपैयाँ, ऋण लगानी ९४ करोड ९६ लाख ५७ हजार २ सय ८०, साधारण जगेडा कोष ८ करोड ९२ लाख ९५ हजार ४ सय ६६ रहेको छ ।

त्यसै गरी ऋण नोक्सानी व्यवस्था ७ करोड ३६ लाख ८३ हजार ३ सय ७८, नगद तथा बैक हिसाब ५२ करोड ३७ लाख १९ हजार ९ सय ५८, सञ्चालन बचत÷नाफा १ करोड ३१ लाख ६७ हजार ८ सय ९८ र कुल सम्पत्ति÷दायित्व १ अर्ब ५३ करोड ९ लाख ३ हजार ९ सय १३ रुपैयाँ रहेको छ । साथको सदस्य सङ्ख्या ७ हजार ३ सय ४३ रहेको छ ।

गौरी शङ्कर बचत तथा ऋण सहकारी संस्थाका अध्यक्ष रुद्रनाथ पौडेलको अध्यक्षतामा भएको कार्यक्रममा उपाध्यक्ष खड्गबहादुर कार्कीले स्वागत र सचिव घनश्याम तिम्सिनाले कार्यक्रम सञ्चालन गरेका थिए ।