पोखरा, १४ माघ । हिल प्वाइन्ट माध्यमिक विद्यालयले ४३ औँ वार्षिकोत्सवको सन्दर्भमा अन्तरविद्यालय स्तरीय चित्रकला प्रतियोगिता र चित्रकला प्रदर्शनी गरेको छ ।
प्रतियोगितामा बालप्रभात बोर्डिङ स्कूलकी छात्रा आकांक्षा खड्का प्रथम, बाल कल्याण मा .विकी छात्रा कृति गुरुङले द्वितीय र अमरसिंह नमुना माध्यमिक विद्यालयकी छात्रा सपनाले तृतीय स्थान हासिल गर्नुभएको छ ।
सैनिक आवासीय महाविद्यालयकी छात्रा एरिका के.सी सान्त्वना हुनुभयो । विजेता विद्यार्थीलाई नगद, ट्रफी र प्रमाणपत्र प्रदान गरिएको छ ।
कार्यक्रममा बोल्दै पोखरा महानगरपालिका वडा नं १२ का वडा अध्यक्ष सन्तोष बास्तोलाले विद्यार्थीको सिर्जनात्मक क्षमता अभिवृद्वि गराउन यस्ता कार्यक्रमले सहयोग पु¥याउने बताउनुभयो ।
विद्यालयका संस्थापक तथा प्राचार्य दिवाकर जैसीले अतिरिक्त क्रियाकलापले विद्यार्थीहरूमा पढाइका साथसाथै उनीहरुको प्रतिभा प्रस्फुटन भई चौतर्फी विकासमा टेवा पुग्ने उल्लेख गर्नुभयो ।
निर्णायक मण्डल संयोजक प्राज्ञ रमेश श्रेष्ठले विद्यार्थीहरूमा रहेका अन्तरनिहित प्रतिभाको प्रस्फुटनका लागि सबैले वातावरण निर्माण गर्नुपर्ने बताउनुभयो ।
विद्यालय व्यवस्थापन समितिका अध्यक्ष बिजुली बहादुर गुरुङको अध्यक्षतामा भएको कार्यक्रम सह–प्राचार्य गंगाराम पौडेलले सञ्चालन गर्नुभएको थियो ।
Related News
सम्बन्धित समाचार
एकता सामुदायिक क्लबले खेल मैदानको स्तरोन्नती गर्ने
हेमजामा सर्प संरक्षण सम्वन्धि सचेतनामूलक कार्यक्रम
राष्ट्रिय माविको हीरक महोत्सव
गण्डकी प्रज्ञा–प्रतिष्ठानले सात जना श्रष्टालाई सम्मान अर्पण गर्दै
साईबर अपराध सम्वन्धी सचेतनामूलक कार्यक्रम
Archives
Archives