पोखरा, १४ भदौ । श्रीकृष्ण जन्माष्टमीको अवसरमा पोखरामा राधाकृष्ण मन्दिरका लागि भूमिदान अभियान शुरु भएको छ ।
नेपाल अन्तर्राष्ट्रिय कृष्णभावनामृत संघ(इस्कोन नेपाल) पोखरा शाखाले मन्दिर निर्माण गर्न लागेको हो ।
आन्तरिक तथा वाह्य धार्मिक पर्यटन प्रवद्र्वन गर्ने उद्देश्यले मन्दिर निर्माणको योजना बनाइएको प्रमुख अम्बुजा कृष्णदासले जानकारी दिनुभयो ।
मन्दिर निर्माणका लागि अहिले जग्गाको खोजी भैरहेको छ । पोखरामा महानगरपालिका भित्र भक्तजन र पर्यटकका लागि पायक पर्ने स्थानमा मन्दिर निर्माण गरिने बताइएको छ ।
मन्दिर निर्माणका लागि करीब १५ करोड रुपैया खर्च लाग्ने अनुमान गरिएको छ । मन्दिर परिषरमा राधाकृष्णको मुर्तिसहितको मन्दिर निर्माण गरी नित्य पुजाआजा गरिने छ । त्यस्तै साधु आश्रम निर्माणको योजना छ । युवा लक्षित आध्यात्मिक कार्यक्रम र जीवनका लागि खाना (खानाबाट बञ्चित नागरिकलाई खाना खुवाउने ) कार्यक्रम संचालन गरिने छ ।
मन्दिर निर्माणका लागि वर्गफिट जग्गा अनुसारको नगद रकम सहयोग गर्न सकिने छ । ‘जग्गादेखि नगदसम्म सहयोग गर्न सकिने छ, अध्यक्ष सुवास भण्डारीले भन्नुभयो, सहयोग जुटाउनका लागि भक्तजनसँग भेला र छलफल जारी छ ।’
उहाँले मन्दिर निर्माणका लागि सहयोग गर्न भक्तजन उत्साहित देखिएको बताउनुभयो । सहयोग गर्नका लागि ९८०१२०५८७८ र ९८०११०८१०८ मा सम्पर्क गर्न सकिने छ ।
यसैबीच, संघले कृष्ण जन्माष्टमीको अवसरमा आज भदौ १४ गते सोमबार पोखरामा विशेष कार्यक्रम गर्दैछ । दिउँसो २ बजदेखि राति १२ बजेसम्म विविध कार्यक्रम गरिने जनाइएको छ ।
दिउँसो १२ देखि २ बजेसम्म भजन किर्तन, ४ देखि ६ बजेसम्म अभिषेक र दीपदान, साँझ ६ बजेदेखि ७ बजेसम्म प्रवचन, ७ बजेदेखि १० बजेसम्म सांस्कृतिक कार्यक्रम, राति १० देखि १२ बजेसम्म अभिषेक, दीपदान र राति १२ बजे दर्शन आरती गरिने छ । कोरोना संक्रमणका कारण सबै कार्यक्रम जुम मार्फत गरिने बताइएको छ ।
Related News
सम्बन्धित समाचार
ठकुरी बस्तीमा निःशुल्क आँखा शिविर
एकता सामुदायिक क्लबले खेल मैदानको स्तरोन्नती गर्ने
हेमजामा सर्प संरक्षण सम्वन्धि सचेतनामूलक कार्यक्रम
राष्ट्रिय माविको हीरक महोत्सव
गण्डकी प्रज्ञा–प्रतिष्ठानले सात जना श्रष्टालाई सम्मान अर्पण गर्दै
Archives
Archives