पोखरा, ४ असार । कास्कीको रुपापाउँपालिका वडा नं ७ धारापानीमा बाघको आक्रमणबाट दुई जना घाइते भएका छन् ।

स्थानीय ३४ वर्षीय तुल बहादुर गुरुङ आफ्नै बारीमा घाँस काट्न जाने क्रममा बाघले आक्रमण गरेको हो । बाघ देखेर भाग्ने क्रममा पछ्याउँदै उनलाई आक्रमण गरेको बताइएको छ ।

बाघको प्रतिकार गर्ने क्रममा स्थानीय ३२ वर्षीय मिलन गुरुङ पनि घाइते भएका छन् । घाइते दुवैको उपचार भिरचोक स्वास्थ्य चौकीमा भइरहेको छ ।

स्थानीयले बाघसँग प्रतिकार गर्ने क्रममा बाघको पनि मृत्यु भएको प्रहरीले जनाएको छ ।