पोखरा । कास्की अन्नपूर्ण गाउँपालिका–७ मा पाचौं खुल्ला पोथाना कप सेभन ए साइड फुटबल प्रतियोगिता–२०८२ हुने भएको छ । पोथाना टोल सुधार समितिको आयोजनामा प्रतियोगिता मंसिर १७ गते देखि २० गते सम्म १९९० मिटर उचाइमा रहेको पोथना सेतीग्रहा खेलकुद मैदानमा सञ्चालन हुनेछ ।

प्रतियोगिताको विजेताले नगद ७० हजार साथमा ट्रफी, मेडल र प्रमाणपत्र र उपविजेता लाई नगद ४० हजार साथमा साथमा ट्रफी, मेडल र प्रमाणपत्र प्रदान गरिने खेल संयोजक रवि गुरुङले जानकारी दिए ।

सेमिफाइनल पुग्ने टिमले नगद रु ७ हजार ५ सय प्राप्त गर्नेछन् । अन्य विधागत तर्फ हाईस्कोरर, उत्कृष्ट खेलाडी र म्यानअफदी म्याचलाई उचित पुरस्कारको व्यवस्था गरिएको छ। टिममा ७ खेलाडी सहित ३ अतिरिक्त खेलाडी हुनुपर्ने नियम रहेको टोल विकास समितिका सचिव अमृत गुरुङले बताए । खेलमा समावेश हुन मंसिरको १७ गते बिहान १० ः०० बजे सम्म टिम दर्ता गरी सक्नुपर्नेछ ।

खेलकुदको माध्यमबाट वडा न ७ संगै समग्र अन्नपूर्ण गाउँपालिको पर्यटन प्रवद्र्धन गर्ने उदेश्यका साथ प्रतियोगिताको आयोजना गरिएको हो । प्रतियोगिताको अन्नपूर्ण गाउँपालिकाका अध्यक्ष विष्णु केसीले उद्घाटन गर्ने पोथना टोल विकास समितिका अध्यक्ष थम बहादुर गुरुङले जानकारी दिए ।