पोखरा । हेमजा युनाईटेडको आयोजनामा भएको अन्तर वडा स्तरीय फुटबल प्रतियोगितामा  वडा नं. ५ र १ सेमिफाइनलमा प्रवेश गरेको छन् ।

गौरीशङ्कर खेल मैदान(गौरी) मा मङ्गलवार भएको पहिलो क्वाटर फाइन खेलमा वडा नं. ५ ले आयोजक वडा नं. २५ रातोलाई ७–१ ले पराजित गर्दै वडा नं. ५ सेमिफाइनलमा प्रवेश गरेको छ ।

जितका लागि वडा नं ५ का जर्सी नं. १२ का पङ्कज घिमिरेले ह्याट्रिक गर्दा जर्सी नं ४ का  अरुण गुरुङले २, जर्सी नं. १० का अनुप केसी र जर्सी नं.१३ का प्रकाश पराजुलीले १÷१ गोल गरे ।  उक्त खेलमा वडा नं. ५ का जर्सी नं. १२ का पङ्कज घिमिरे म्यान अफ दि म्याच घोषित भए ।

दोस्रो क्वाटर फाइनल खेलमा वडा नं. १ ले वडा नं. ६ लाई २–० को गोल अन्तरले पछि पार्दै वडा नं. १ ले सेमिफाइनलको यात्रा तय ग¥यो । जितका लागि वडा १ का  जर्सी नं. ९का वासु जिसी र मिलन गुरुङले १÷१ गोल गरे । उक्त खेलमा वडा नं. १ का जर्सी नं. ७ का चन्द्र तामाङ  म्यान अफ दि म्याच घोषित भए । वडा नं. १ सेमिफाइनलमा प्रवेश गरेसँगै बुधवार बिहान ८ बजे वडा नं २५ हेमजा निलो सग प्रतिस्पर्धा गर्नेछ ।

बुधवार वडा न १३ र १५ बिचको अन्तिम क्वाटर फाइनल खेल बिहान ठिक १०ः०० बजे हुनेछ । उक्त क्वाटर फाइनलको विजेताले वडा ५ सँग सेमिफाइनल खेलमा सामान गर्ने खेल संयोजक इन्द्र बहादुर कुँवरले जानकारी दिए ।

१३ समूहको सहभागिता रहेको प्रतियोगितामा प्रथम पुरस्कार रु १ लाख ११ हजार १११ र द्धितीय पुरस्कार रु ५५ हजार  ५५५ साथमा ट्रफी, मेडल र प्रमाणपत्र रहेको छ । उत्कृष्ट विधागत पुरस्कार तर्फ सर्वाधिक गोलकर्ता, उत्कृष्ट गोलरक्षक,उत्कृष्ट डिफेन्डर,उत्कृष्ट मिडफिल्डर र उत्कृष्ट फरवार्डलाई प्रत्येक विधामा नगद रु २ हजार साथमा ट्रफि प्रदान गरिने छ  । साथै प्रतियोगिता अवधिभरको उत्कृष्ट खेलाडीलाई नगद रु ५ हजार साथमा ट्रफी र क्वाटर फाइनल देखिका म्याचहरूमा म्यान अफ दि म्याच घोषण गरी ट्रफी प्रदान गरिएको अध्यक्ष कृष्णमान श्रेष्ठले जानकारी दिए ।

पोखरा महानगर पालिका  तथा वडा नं. २५ को संरक्षणमा प्रतियोगिताको आयोजना गरिएको हो । गण्डकी प्रदेश फुटबल सङ्घ, कास्की जिल्ला फुटबल सङ्घ र जिल्ला खेलकुद विकास समितिको विशेष सहयोगीको भूमिका रहेको छ ।प्रतियोगितामा ३५ वर्ष भन्दा माथि उमेर समूहका सहभागिता रहेको छ भने प्रतियोगिता जेठ १७ गते सम्म चल्ने छ ।