पोखरा । हेमजा युनाईटेडको आयोजनामा सुरु भएको अन्तर वडा स्तरीय फुटबल प्रतियोगिता आइतबार वडा नं. १ र ५ ले विजय सुरुवात गरेका छन् ।

गौरीशङ्कर खेल मैदान(गौरी) मा आइतबार भएको पहिलो खेल वडा न.१ ले १७ लाई २– १ ले पराजित ग¥यो भने वडा न.५ ले ८ लाई ४–१ गोल अन्तरले पराजित ग¥यो । सोमवार पहिलो खेल वडा न १३ र १४ बिच दोस्रो खेल वडा न. २५ निलो र  वडा न. २० बिच हुने खेल संयोजक इन्द्र बहादुर कुँवरले जानकारी दिए ।

प्रतियोगिता ‘युवा एकता र विकासका लागि खेलकुद’ भन्ने मूल नाराका साथ जेठ १७ गते सम्म चल्ने छ ।  प्रतियोगितामा ३५ वर्ष भन्दा माथि उमेर समूहको सहभागिता रहेको छ ।

१३ समूहको सहभागिता रहेको प्रतियोगितामा प्रथम पुरस्कार रु १ लाख ११ हजार १११ र द्धितीय पुरस्कार रु ५५ हजार  ५५५ साथमा ट्रफी, मेडल र प्रमाणपत्र रहेको छ । 

उत्कृष्ट विधागत पुरस्कार तर्फ सर्वाधिक गोलकर्ता, उत्कृष्ट गोलरक्षक,उत्कृष्ट डिफेन्डर,उत्कृष्ट मिडफिल्डर र उत्कृष्ट फरवार्डलाई प्रत्येक विधामा नगद रु २ हजार साथमा ट्रफि प्रदान गरिने छ  । साथै प्रतियोगिता अवधिभरको उत्कृष्ट खेलाडीलाई नगद रु ५ हजार साथमा ट्रफी र क्वाटर फाइनल देखिका म्याचहरूमा म्यान अफ दि म्याच घोषण गरी ट्रफी प्रदान गरिने क्लबका अध्यक्ष कृष्णमान श्रेष्ठले जानकारी दिए ।

पोखरा महानगर पालिका  तथा वडा नं. २५ को संरक्षणमा प्रतियोगिताको आयोजना गरिएको हो । गण्डकी प्रदेश फुटबल सङ्घ, कास्की जिल्ला फुटबल सङ्घ र जिल्ला खेलकुद विकास समितिको विशेष सहयोगीको भूमिका रहेको छ ।