पोखरा । राष्ट्रिय स्वतन्त्र पार्टीका सभापति पूर्व गृहमन्त्री रवि लामिछानेलाई १३ दिन हिरासतमा राखेर अनुसन्धान गर्न जिल्ला अदालत कास्कीले अनुमति दिएको छ ।
आइतबार जिल्ला अदालत कास्कीका न्यायधीश नवराज दहालको इजालसले लामिछानेलाई अनसुसन्धान गर्न १३ दिनको अनुमति दिएको हो ।
सहकारी ठगी प्रकरणमा सभापति लामिछानेलाई कात्तिक २ गते पक्राउ गरिएको थियो । यस अघि पनि लामिछानेलाई ३ पटक म्याद थप गरिएको थियो । कास्की प्रहरीले लामिछानेलाई सहकारी ठगी, संगठित अपराध र सम्पती शुद्धिकरणसम्बन्धी कसुरमा हिरासतमा राखेर अनुसन्धान गरेको छ । लामिछानेसँगै गोर्खा मिडिया नेटवर्कका पूर्व सञ्चालक पूर्व डिआइजी धविलाल जोशी, लीला पछाई र रामबहादुर खनाललाई पनि १३ दिन हिरासतमा राखेर अनुसन्धान गर्न म्याद थप भएको छ ।