स्वतन्त्र विद्यार्थी परिषद्ले ‘यन्त्र’ कार्यक्रम गर्दै

राष्ट्र न्यूज सम्वाददाता
जेठ ३१, २०८१
Parishad

पोखरा, ३० जेठ । स्वतन्त्र विद्यार्थी परिषद् पोखरा इन्जिनियरिङ् कलेजले असार १ र २ गते इन्जिनियरिङ महोत्सवको रुपमा ‘यन्त्र’ कार्यक्रम गर्ने भएको छ ।

कार्यक्रम हुने मिति नजिकिदै गर्दा परिषद्ले तयारी तिव्र पारेको अध्यक्ष विराट सिग्देलले जानकारी दिनुभयो । कार्यक्रमले विद्यार्थीका प्रतिभाहरु प्रस्फुटन गर्ने अपेक्षा गरिएको छ ।

त्यस अवसरमा विभिन्न वर्कसपहरु, टेक्निकल टकसो, वैचारिक बहस, टेक्निकल संवाद, अनुभव साटासाट, विभिन्न खेलकुदहरु, साहित्यक साँझ, साङ्गितिक सन्ध्या पनि गरिने कार्यक्रम संयोजक मिलन डुम्रेले जानकारी दिनुभयो ।

यस्तो कार्यक्रम पोखरामा नै पहिलोपटक आयोजना हुन लागेको दावी गरिएको छ । कार्यक्रममा सहभागिताका लागि देशभरका इन्जिनियर र आर्किटेक्टहरुलाई निमन्त्रणा गरिएको छ ।

कार्यक्रममा नेपालमा इन्जिनियरिङ हिजो, आज र भोलि, प्रविधिका कुरा विश्वविद्यालय देखि कलेजसम्म कति अपडेटेड, इन्जिनियरिङ नेतृत्व, हामी कहाँ ?, इन्जिनियर ÷ आर्किटेक्ट, देश कि विदेश ? , प्राविधिक देखि प्रशासनसम्म कसरी ? भन्ने विषयमा छुट्टाछुट्टै अन्तरक्रिया हुनेछ ।

त्यस्तै टेक्निकल टकमा पोखरा इन्जिनियरिङ कलेज देखि लोकसेवासम्मको यात्रा, इन्जिनियर देखि मेयरसम्मको यात्रा, समकालीन समयमा आर्टिफिसिल इन्टेलिजेन्टको भूमिका, इन्जिनियरिङ जीवन र महिला जस्ता विषयमा हुनेछ ।

खेलकुदहरु तर्फ अन्तरकलेज बास्केटबल प्रतियोगिता, अन्तर कलेज इ स्पोर्ट्स, चेस तथा टेवलटेनिस प्रतियोगिता हुनेछ । विभिन्न फोटोग्राफी, मोडलिङ्ग, लाइभ आर्ट, हाजिरीजवाफ, आइडिया हन्ट, सोलो म्यूजिक तथा हेकाथोन पनि गरिनेछ ।

Related News

सम्बन्धित समाचार

Archives

Archives