पोखरा, ९ जेठ । समाजसेवी चिनबहादुर केसीले कविता गाउँ लुम्लेका परिकल्पनाकार विनोद गौचनको शालिक निर्माणका लागि जग्गादान गर्नुभएको छ ।
उहाँले अन्नपूर्ण गाउँपालिका–६ लुम्ले छेउघर चौतारामुनिको आफ्नो लालपूर्जाभित्रको जग्गा दान गर्नुभएको हो । वडा नं. ६ का वडा अध्यक्ष एकदेव देवकोटाले समितिले लामो समयदेखि गौचनको शालिक निर्माणका लागि बनाएको योजनाले सार्थक रूप लिएकोमा खुसी व्यक्त गर्नुभयो ।
वडा सदस्य तथा जि.स.स. सदस्य गणेश जि.सी.ले लुम्लेलाई साहित्यका माध्यमबाट राष्ट्रिय अन्तर्राष्ट्रियस्तरमा परिचित गराउन गौचनले पु¥र्याएको योगदानको स्मरण गर्नुभयो ।
जग्गादाता चिनबहादुर के.सी.ले मान्छे धनको भन्दा पनि चेतनाको धनी हुनुपर्ने धारणा राख्नुभयो ।
कविता गाउँ लुम्लेका अध्यक्ष भरत देवकोटाले कविता गाउँ लुम्लेका परिकल्पनाकार गीतकार तथा कवि विनोद गौचनको शालिक निर्माणका लागि स्वइच्छाले दिएको दान सिङ्गो लुम्लेवासीका लागि प्रेरणाको विषय बनेको बताउनुभयो ।
कविता गाउँ लुम्लेका सचिव सुवास गुरुङले यथासक्य छिटो शालिक निर्माणका लागि समिति अब क्रियाशील हुने उल्लेख गर्नुभयो ।
अर्थशास्त्रमा स्नातकोत्तर गर्नुभएका कवि गौचनको जन्म २०१२ जेष्ठ १३ गते पोखरा बगरमा भएको थियो । गौचनका ‘ढुंगेसाँघुको मेलामा’ (२०५५), ‘पोखरामा फूल फुल्दैन’ (२०६३) कृति प्रकाशित छन् ।
उहाँ ‘तगारोमा रुमाल राखी बाटो छेक्यौ तिम्ले’, ‘कस्तो ठाउँमा फूल्यौं तिमी टिप्नै गाह्रो भो’, ‘चोली फाटे पनि तिम्रो जोवन फाट्या छैन’लगायतका चर्चित गीतका सर्जक पनि हुुनुहुन्छ ।
गौचनले उमेरको २३ औं वसन्तमा लेखेको ‘तगारोमा रुमाल राखी’ गीतमा २०३६ सालमा अरुण थापाले स्वर दिएसँगै तत्कालीन समयमा श्रोताकै आग्रहमा रेडियो नेपालमा दैनिक ८–१० पटकसम्म बज्ने गरेको गीत हो ।
२०७५ पौष २० गते दिवंगत गौचनको परिकल्पनामा लुम्लेलाई २०६५ चैत १५ गते भव्य समारोहबीच कविता गाउँ घोषणा गरिएको थियो ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives