पोखरा, २० फागुन । पोखरामा जुवातास खेलिरहेको अवस्थामा प्रहरीले ६ जनालाई पक्राउ गरेको छ ।
पोखरा – ८ सभागृहचोक स्थित बेथ वर्कसप (मोटरसाईकल ग्यारेज) मा जुवातास खेलिरहेको अवस्थामा पक्राउ गरिएको हो ।
पक्राउ पर्नेमा बारा स्थायी घर भई हाल पोखरा – ८ न्यूरोड बस्ने ४१ वर्षीय रमेश शाह, भारत बिहार घर भई हाल पोखरा – ९ नयाँबजार बस्ने ३५ वर्षीय उपेन्द्र चौधरी, पोखरा –६ जरेबर बस्ने २५ वर्षीय मुकेश शाह हुनुहुन्छ ।
त्यस्तै, भारत बिहार घर भई हाल पोखरा – ८ न्यूरोड बस्ने ३४ वर्षीय राकेश शर्मा, सप्तरी घर भई हाल पोखरा – २ बगर बस्ने २६ वर्षीय सुजित चौधरी र मोरङ घर भई हाल जिल्ला पोखरा – १४ चाउथे बस्ने ४३ वर्षीय गोपाल बस्नेत हुनुहुन्छ ।
प्रहरीले ३ बुक तास र नगद एक लाख ३९ हजार चार सय ५० रुपैयाँ बरामद गरेको छ । निजहरुलाई सार्वजनिक हित, स्वास्थ्य, सुरक्षा, सुविधा र नैतिकता विरुद्धको कसुरमा पाँच दिन म्याद थप गरी अनुसन्धान अगाडी बढाइएको प्रहरीले जनाएको छ ।
Related News
सम्बन्धित समाचार
विश्व प्रसिद्ध ह्विट्ली पुरस्कार पोखराका संरक्षणकर्मी आचार्यलाई
विष्णुपादुकामा लागूपदार्थ दुव्र्यसनविरुद्धको सचेतना
राष्ट्रपति पौडेल र कतारका अमिरबीच भेटवार्ता
महोत्सवमा आलु किन्नेको भिड
घान्द्रुक पर्यटन महोत्सव सुरु
Archives
Archives