पोखरा, २५ माघ । पोखरा उद्योग वाणिज्य संघ ७० वर्षमा प्रवेश गरेको छ ।
उद्योगी÷व्यवसायीहरुको हितको रक्षा गर्ने उद्धेश्यले स्वर्गीय अमृतप्रसाद शेरचनको अध्यक्षतामा २०११ साल माघ २५ गते संघको स्थापना भएको थियो । यो पोखराको सवैभन्दा जेठो सामाजिक संस्था पनि हो ।
उद्योगी÷व्यवसायीहरुको हितका खातिर स्थापना भए पनि संघले पोखराको शैक्षिक, सामाजिक र भौतिक विकासमा महत्वपूर्ण योगदान गरेको छ ।
यहाँको बालमन्दिरदेखि पृथ्वीनारायण क्याम्पस,पोखरा विश्वविद्यालयसम्मका दर्जनौं शैक्षिक संस्थाको स्थापना र संचालनमा सघाएको संघले महेन्द्रपुल,पोखरा सभागृह, काहुँको धरहरादेखि सिद्धार्थ राजमार्ग निर्माण पनि गरेको संघका वर्तमान अध्यक्ष पवनकुमार प्रजापतिले जनाउनुभयो ।
यस्तै पोखरा अन्तर्राष्ट्रिय विमानस्थल निर्माणको लागि निरन्तरको पैरवी तथा २०६९ सालमा रिले अनसनको नेतृत्व पनि संघले नै गरेको थियो ।
स्थापना दिवसको अवसरमा बिहीबार संघको सचिवालयमा झण्डाृेत्तोलन गरिएको छ । कार्यक्रममा संघका वर्तमान अध्यक्ष प्रजापतिसहित पूर्वअध्यक्षहरु राजेन्द्रकुमार लालचन,कृष्णमोहन श्रेष्ठ र विश्वशंकर पालिखे,वर्तमान पदाधिकारी तथा कार्यसमिति सदस्यहरुको उपस्थिति रहेको संघका महासचिव बलराम आचार्यले जानकारी दिनुभयो ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives