पोखरा, १४ मंसिर । एचआईभी संक्रमित बालबालिकाको अधिकार सुनिश्चित गर्न माग गरिएको छ ।
नयाँ पुस्ताको आवश्यकतालाई विशेष ध्यान दिएर नीति निर्माण गर्न माग गरिएको हो । सरकारले संक्रमितलाई सहयोग गरेपनि अझै अपर्याप्त भएको र नयाँ पुस्ताका लागि समस्या रहेको भन्दै अन्य नागरिक सरह नै कानूनी व्यवस्था गर्न माग गरिएको छ ।
राष्ट्रिय एचआईभी एड्स महासंघका केन्द्रीय सदस्य मनोज गुरुङले संक्रमित बालबालिकाको सेवा÷सुविधालाई फराकिलो बनाउन माग गर्नुभयो । उहाँले संक्रमितलाई राज्य र समाजले बुझिदिए खुलेर आउँने वातावरण निर्माण हुने र उनीहरुका मानसिक तनाव कम हुने उल्लेख गर्नुभयो ।
हाल गण्डकीमा करिब दुई हजार आठ सय र कास्कीका १ हजार चार सय बढीले एआरटी सेवा लिइरहेका छन् । डर, लाञ्छना र भेदभावका कारण अझै संक्रमित खुल्न नसकेको राष्ट्रिय एचआइभी एड्स महासंघका गण्डकी फोकल पर्सन शान्त बहादुर रानाको भनाइ छ ।
उहाँका अनुसार नागरिकता अभावका कारण अझै ६ सय संक्रमित स्वास्थ्य बीमा सेवाबाट बञ्चित रहेको र उपकरणको अभावका कारण आठ जना संक्रमितले मृर्गाैला डायलासिस सेवा पाउँन सकेका छैनन् ।
यसैबीच, ‘समुदायको नेतृत्वमा एड्स अन्त्य गरौ‘ भन्ने मूल नाराका साथ शुक्रबार ३६ औं विश्व एड्स दिवस विविध कार्यक्रमसहित मनाइने भएको छ ।
स्वास्थ्यका क्षेत्रमा क्रियाशील सरकारी तथा गैर सरकारी संस्थाले पोखरामा पनि शुक्रबार सामूहिक रुपमा कार्यक्रम गर्न लागेका छन् ।
शुक्रबार एचआईभी स्क्रिनिङग, मैनवत्ति प्रज्ज्वलन, स्टेज शो, एसटिआई क्लिनिक संचालन, सिएबिए बालबालिकाका लागि न्यानो कपडा वितरण, साईलक ¥याली र मूल सामारोह जस्ता कार्यक्रम गरिने छ ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives