पोखरा, २२ असोज । पोखरा १६ बाटुलेचौरस्थित ऐतिहासिक कालिका मन्दिरमा यस वर्ष पनि वडादशैंको अवसरमा नवदुर्गा पूजा तथा आरती गरिने भएको छ ।
हिमालय क्लवको आयोजनमा यही असोज २८ गतेदेखि कार्तिक ७ गते वडादशैंको टिकाको दिनसम्म विभिन्न कार्यक्रम सहित दुर्गा पूजा गरिने क्लवका अध्यक्ष सुशील वस्नेतले जानकारी दिनुभयो ।
क्लवले पोखरामा आयोजना गरेको पत्रकार सम्मेलनमा पूजाको तयारी अन्तिम चरणमा पुगेको र विभिन्न समुदायले तयारी तिव्र पारेको सचिव शिवराज देवकोटाले जानकारी दिनुभयो ।
वाईसी चौविसे राजाका पाला देखि नै हुँदै आएको पूजालाई व्यवस्थित रुपमा सम्पन्न गर्न क्लवका निवर्तमान अध्यक्ष मोहन वहादुर थापाको संयोजकत्वमा दुर्गा पूजा व्यवस्थापन समिति समेत गठन गरिएको छ । दशैंको साँस्कृतिक तथा धार्मिक पक्षलाई जोगाई राख्न र यसको ऐतिहासिकताका विषयमा नयाँ पुस्तालाई जानकारी दिन कार्यक्रमलाई निरन्तरता दिइएको संयोजक थापाले बताउनुभयो ।
पूजा अन्तर्गत घटस्थापनाको दिन देखि दशमीसम्म विहान नित्य पूजा , चण्डी पाठ र घटस्थापना गरिने साँझ सन्ध्याकालिन महाआरती, १ सय ८ दिप प्रज्वलन, भजन किर्तन तथा परियार समुदायको नहरा प्रस्तुती र गन्धर्व समुदायले माल श्री धुन प्रस्तुत गर्ने तयारी गरिएको छ
फूलपातीको दिन क्षेत्री समाजको संयोजनमा चण्डीका, अम्बिका र कालिका मन्दिरको परिक्रमा सहित कलश यात्रा गरिने बताइएको छ । नियमित रुपमा पूजा आजा हुने भएता पनि नवदुर्गा भर विशेष पूजा अर्चना हुने र महाअष्टमीको साँझ दिप प्रज्वलन, कालरात्री पूजा र महाआरती सहितको विशेष पूजा हुने कालिका मन्दिरका पुजारी नारायण प्रसाद देवकोटाले जानकारी दिनुभयो ।
विशेष दुर्गा पूजा दशैं अवधिभर विहान र साँझमा नियमित हुने बताइएको छ । हिमालय क्लवको संयोजनमा हुने दुर्गा पूजामा शुक्ला साहित्य प्रतिष्ठान ,बडहरवोट आमा समूह, संरक्षण आमा समूह ,नेवाः खल वाटुलेचौर, मैदान आमा समूह, क्षेत्री समाज, कालिका मन्दिर तथा कोत मामलियत व्यवस्थापन समिति र मानव अधिकारका लागि महिला एकल महिला समूह, परियार समाज लगायतका संघ संस्थाको सहकार्य रहेको क्लवले जनाएको छ ।
उक्त मन्दिरमा चौविसे राजा कुलमण्डन शाहको पाला देखि नै पूजा आजा हुँदैं आइरहेको बताइएको छ ।
Related News
सम्बन्धित समाचार
कास्कीको माछापुच्छ«ेमा मंसिर ६ गतेदेखि छैठौं राष्ट्रिपति रनिङ शिल्ड हुने
पत्रकार महासंघ कास्कीका पूर्व अध्यक्ष बास्तोलालाई पितृशोक
सभापति लामिछाने पक्राउसँगै रास्वपाको पोखरामा विरोध प्रर्दशन
हेमजाको अम्मटमा प्रथम बिच एण्ड फिस फेस्टिेभल हुदै
रास्वपा सभापति लामिछाने पक्राउ
Archives
Archives