हेमजा, १४ साउन । पोखरा महानगरपालिका–९, नयाँबजार स्थित गुरुकुल विद्यासदनका नवआगन्तुक कक्षा ११ का विद्यार्थीलाई कक्षा १२ का विद्यार्थीले स्वागत गरेका छन् ।
त्यस अवसरमा गुरुकुल मै किन पढ्ने, त्यहाँ अध्ययन गर्दा अपनाउनुपर्ने अनुशासन एवम् विविध पक्षबारेमा अभिमुखीकरण पनि गरियो ।
कार्यक्रममा धारणा राख्दै प्रमुख अतिथि गण्डकी प्रदेश परीक्षा व्यवस्थापन निर्देशनालयका निर्देशक दीपेन्द्र ढकालले विद्यार्थीलाई संस्कारयुक्त बन्न सुझाव दिर्दै गुरुकुल पोखराकै नमुना अग्रणी विद्यालय भएको औँल्याउनुभयो । उहाँले सोचेर बोल्न र बोल्नभन्दा पहिला पढ्न आग्रह समेत गर्नुभयो ।
प्याब्सन कास्की अध्यक्ष मथुराप्रसाद पौडेलले मुलुकका लागि आवश्यक जनशक्ति उत्पादनमा गुरुकुलको भूमिका रहेको चर्चा गर्दै विद्यालयबाट आफ्नो ज्ञान, सीप र क्षमता अभिबृद्धि गर्न विद्यार्थी सचेतताका साथ अध्ययनमा लाग्नुपर्ने स्पष्ट पार्नुभयो ।
विद्यालयका अध्यक्ष रवि कार्कीले पठनपाठनका अलवा विद्यार्थीको प्रतिभा पहिचान गर्न विद्यालय अग्रसर रहेको दावी गर्दै विद्यार्थीले अनुशासनमा विशेष ख्याल राख्नुपर्ने जनाउनुभयो । उहाँले +२ संचालनका लागि छुट्टै भवन व्यवस्था गरिएको स्पष्ट पनि पार्नुभयो ।
प्रधानाध्यापक नारायण आचार्य, विद्यालय संचालक मध्येका एक भुवन सुवेदी, दश जोड दुई संयोजक शिक्षक वसन्तकुमार श्रेष्ठ लगायतले गुरुकुल नाममात्र नभई सार्थक गुरुकुल भएको औँल्याउनुभयो । उहाँहरुले नवआगन्तुक विद्यार्थीले सही विद्यालय रोजेको भन्दै विद्यार्थीको भविष्य उज्जवल रहने दावी पनि गर्नुभयो ।
त्यस अवसरमा कक्षा १२ का गरिमा दाहाल र सगुन ढुङगाना तथा कक्षा ११ का अनुजा राना र केशव ढकालले जीवनमा शिक्षाको महत्व माथि धारणा राख्नुभयो । कार्यक्रमका बीच भक्तराज रसाइलीले विद्यार्थी जीवनका आधारभूत पक्षका बारेमा सहजीकरण गर्नुभयो ।
त्यस्तै कलाकार प्रताव दास, विद्यार्थीहरु अनुज गिरी, आकृति केसी, रोसनी देवकोटा, झरना गुरुङ, महेश कुँवर, झरना छन्त्याल, प्रतिक्षा श्रेष्ठ, अमृता श्रेष्ठ, मौषम विक लगायतको समूहले विभिन्न प्रस्तुति राखे । नवआगन्तुक विद्यार्थीलाई टीका र खादा लगाएर स्वागत गरिएको हो ।
कक्षा १२ का विद्यार्थी गरिमा दाहालको अध्यक्षतामा सम्पन्न उक्त कार्यक्रममा कक्षा १२ का विद्यार्थी सगुन ढुङगानाले स्वागत तथा दश जोड दुई संयोजक शिक्षक वसन्तकुमार श्रेष्ठले कार्यक्रम संचालन गर्नुभयो ।
Related News
सम्बन्धित समाचार
एसओएसमा विद्यार्थी परिषद् पदस्थापन
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
Archives
Archives