पोखरा, २४ जेठ । पोखरा–१२ माटेपानी स्थित हिल प्वाइन्ट मा.विका विद्यार्थी बृद्वाश्रम जानुभएको छन् ।
५० औं विश्व वातावरण दिवसको अवसरमा विद्यार्थीहरु पोखरा – ३२ लामेआहालमा रहेको राधाकृष्ण बृद्वाश्रम जानुभएको हो । बद्वाश्रम रहनुभएका बृद्वबृद्वाको अनुभव सुन्नका लागि उहाँहरु बृद्वाश्रम पुग्नुभएको हो । विद्यार्थीले बृद्वबृद्वासँग अन्तरक्रिया गरी विविध विषय बारे जानकारी लिनुभएको थियो ।
विद्यालयले विद्यार्थीका लागि संस्कारमूलक कार्यक्रम अन्तर्गत विद्यार्थीलाई बृद्वाश्रम लगेको हो । विद्यार्थीलाई शैक्षिक ज्ञानसँगै पछिल्लो अवस्थाको सामाजिक र पारिवारिक अवस्था बारे जानकारी गराउँने उद्देश्यले बृद्वाश्रम लगिएको विद्यालयका प्राचार्य दिवाकर जैसीले बताउनुभयो । विद्यार्थीलाई समाज र संस्कार बारे समेत ज्ञान दिन आवश्यक रहेको उहाँको भनाइ छ ।
विद्यालयले आफ्ना विद्यार्थीलाई सामाजिक, पारिवारिक र शैक्षिक जीवनमा प्रभाव पार्ने संस्कारमूलक कार्यक्रममा सहभागिता गराउँदै आएको छ ।
कक्षा १० का विद्यार्थीे सुव्रत सिग्देल र गायत्री थापाको नेतृत्वमा आफ्नो खाजाखर्च बचत गरेर बृद्वाश्रमका लागि खाद्य सामग्री समेत खरिद गरी बृद्वाश्रमलाई हस्तान्तरण गरिएको छ ।
विद्यार्थीको अभियानलाई प्रोत्साहित गर्दै विद्यालयले रकम थप गरी फलफूल, चिनी, चियापत्ती लगायतका सामग्री बृद्वाश्रमलाई हस्तान्तरण गरिएको थियो । कार्यक्रममा बृद्वाश्रमका अध्यक्ष प्रेम लिगल, प्राचार्य दिवाकर जैसी, विद्यार्थीद्वय किरण कार्की र सुक्रिया गुरुङ्गले बोल्नुभएको थियो । कार्यक्रमको संयोजन शिक्षक कपिल अधिकारी र कार्यक्रम सञ्चालन रामकुमार थापाले गर्नुभएको थियो ।
वातावरण दिवसकै अवसरमा कक्षा ९ सम्मका विद्यार्थीको सहभागितामा जनचेतनामूलक र्याली, सरसफाइ, वृक्षरोपण, वातावरण सम्बन्धी चित्रकला प्रतियोगिता जस्ता कार्यक्रम गरिएको छ । कार्यक्रमलाई सहप्राचार्य गंगाराम पौडेल र इन्चार्ज सुबोध तिवारीले समन्वय गर्नुभएको थियो ।
Related News
सम्बन्धित समाचार
कास्कीको माछापुच्छ«ेमा मंसिर ६ गतेदेखि छैठौं राष्ट्रिपति रनिङ शिल्ड हुने
पत्रकार महासंघ कास्कीका पूर्व अध्यक्ष बास्तोलालाई पितृशोक
सभापति लामिछाने पक्राउसँगै रास्वपाको पोखरामा विरोध प्रर्दशन
हेमजाको अम्मटमा प्रथम बिच एण्ड फिस फेस्टिेभल हुदै
रास्वपा सभापति लामिछाने पक्राउ
Archives
Archives