पोखरा, १६ जेठ । पोखरा महानगरपालिका भित्र पालिएका गाईभैंसीहरुमा लम्पी स्किन रोगको समस्या देखिएको छ ।
वैशाख १० गतदेखि विशेष गरी गाई प्रजातिमा यो रोगको समस्या देखिएको पोखरा महानगरपालिका पशु सेवा शाखाका प्रमुख नवराज अधिकारीले जानकारी दिनुभयो ।
उहाँका अनुसार सो रोगका कारण हालसम्म पोखरामा ४२ वटा पशुको मृत्यु भएको छ । त्यस्तै सात सय २३ पशु बिरामी छन् । रोग देखिएसँगै खोप लगाउने कार्यलाई तिव्र पारिएको बताइएको छ ।
रोग देखिएको क्षेत्र वरपरमा खोप अभियान जारी रहेको छ । हालसम्म चार हजार पाँच सय पशुलाई खोप लगाइएको शाखाले जनाएको छ ।
शुरुको बेला पोखरा महानगरपालिका वडा नं १८, २९, ३०, ३२ र ३३ मा यो रोगको भेटिएपनि अहिले फैलने क्रम जारी छ । पशुहरुमा लम्पी स्किन रोगको समस्या बढेको छ, शाखा प्रमुख अधिकारीले भन्नुभयो – यसलाई नियन्त्रण गर्न लागिपरेका छौं ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives