पोखरा, १७ वैशाख । नेपाल व्युटिसियन संघको चौथो राष्ट्रिय महाधिवेशनबाछ पोखराकी शर्मिला रानाभाट केन्द्रीय उपाध्यक्ष पदमा निर्वाचित हुनुभएको छ ।

केन्द्रीय उपाध्यक्ष नै प्रदेशको अध्यक्ष रहने प्रवधान अनुसार उहाँले गण्डकी प्रदेशको पनि अध्यक्ष रहनु हुनेछ । रानाभाट नेपाल व्युटिसियन संघ कास्कीको निवर्तमान अध्यक्ष हुनुहुन्छ । उहाँ विगत १५ वर्षदेखि व्युटिसियन व्यवसायमा संलग्न हुनुहुन्छ । उहाँले हाल पोखराको नागढुंगामा श्रेना व्युटिपार्लर एण्ड टेनिङ सेन्टर संचालन गर्दै आउनु भएको छ ।

उहाँले व्युटिसियशन व्यवसायलाई मर्यादीत, गुणस्तरीय बनाउने तथा व्यवसायीको मनोबल उकास्ने गरी काम गर्ने प्रतिवद्वता व्यक्त गर्नुभयो ।
वैशाख १४ र १५ गते वीरगंजमा सम्पन्न महाधिवेशनले आगामी चार वर्षका लागि सरीता गौतमको अध्यक्षतामा २५ सदस्यीय नयाँ कार्यसमिति चयन गरेको छ ।

महाधिवेशनको उद्घाटन समारोह नेपाल व्युटिसियन संघकी केन्द्रीय अध्यक्ष भगवती खड्काको अध्यक्षतामा भएको थियो ।