पोखरा, २३ चैत । पोखरा १३ सिग्देल मार्ग स्थित सांदीपन प्रि–स्कूलमा विहीबार विविध कार्यक्रम सहित पुरस्कार वितरण गरिएको छ ।

शैक्षिक वर्ष २०७९ मा उत्कृष्ट भएका विद्यार्थी र विभिन्न क्रियाकलापमा उत्कृष्ट विद्यार्थीलाई पुरस्कृत गरिएको हो ।

स्कूलले बालबालिकाको पढाई, सिकाई सँगै बालबालिकाको शारीरिक तथा मानसिक विकासमा योगदान गर्ने उद्देश्य लिएको छ । स्कूलमा प्रि–नर्सरी, नर्सरी, ए.के.जी र यु.के.जीका कक्षा संचालनमा छन् । बालबालिका लक्षित विद्यालयमा २ वर्ष उमेरदेखिका विद्यार्थी अध्ययरत छन् ।

बालबालिकाका लागि आवश्यक क्रियाकलाप गर्छाै, बालबालिका सुहाउँदो पाठ्यक्रम छानेका छौं विद्यालयकी अध्यक्ष सपना पोख्रेल सिग्देलले भन्नुभयो, हामी सबैबाट रचनात्मक सुझावका अपेक्षा गर्छाै ।

कार्यक्रममा विद्यालयका संरक्षक नवीन सिग्देल, शिक्षिकाहरु सुष्मा सेन्चुरी र करिष्मा रानाले बोल्नु भएको थियो ।