हेमजा, १८ चैत । ११ औं संस्करणको राष्ट्रिय हेमजा आलु महोत्सवको मिति नजिकिदै गर्दा पोखरा महानगरपालिका वडा न. २५ हेमजामा सरसफाइ गरिएको छ ।

महोत्सव आयोजक विष्णु पादुका क्लबको आयोजनामा हेमजाको तिब्बतीयन क्याम्पदेखि साझाचोक हुदै चाक्लेकुलासम्म सरसफाइ गरिएको थियो ।

विष्णु पादुका क्लबका पदाधिकारीहरु, हेमजामा रहेका विभिन्न संघ सस्था, आमा समूह, युवा क्लब तथा स्थानीयहरुले सहभागिता जनाएको ११ औं राष्ट्रिय हेमजा आलु महोत्सवका महासचिव बसन्त कुमार श्रेष्ठले जानकारी दिनुभयो ।

विगतका वर्षहरुमा पनि हेमजा आलु महोत्सवमा महोत्सव स्थल परिसर र आसपासका टोलहरुमा सरसफाइ गरिदै आएको र सरसफाइ कार्यक्रमलाई आगामी दिनमा पनि निरन्तरता दिइने हेमजा आलु महोत्सव मूल आयोजक समारोह समितिका संयोजक तथा विष्णु पादुका क्लवका अध्यक्ष सुविन श्रेष्ठले बताउनुभयो ।

विष्णु पादुका क्लब पोखरा २५ हेमजाको आयोजनामा यही चैतको २६ गतेदेखि वैशाख ३ गतेसम्म विष्णु पादुका खेल मैदानमा महोत्सव हुदैछ ।