पोखरा, २५ फागुन । राष्ट्रपतिमा नेपाली कांग्रेसका वरिष्ठ नेता रामचन्द्र पौडेल निर्वाचित हुनुभएको छ ।

उहाँ गणतान्त्रिक नेपालको तेस्रो राष्ट्रपति बन्नुभएको हो । विहीबार भएको निर्वाचनमा पौडेलले ३३ हजार आठ सय दुई मत भार पाएर निर्वाचित बन्नुभएको छ । उहाँले काँग्रेस सहित आठ दलको मत पाउनु भएको छ ।

राष्ट्रपतिका अर्का उम्मेद्बार नेकपा एमालेका नेता सुवास नेम्वाङगले १५ हजार पाँच सय १८ मतभार पाउनु भएको छ । संघीय संसद् भवनमा निर्वाचन भएको थियो ।

राष्ट्रपति पौडेल मंसिर ४ को निर्वाचनमा तनहुँ १ बाट प्रतिनिधि सभा सदस्यमामा निर्वाचित हुनुभएको हो । उहाँले सरकारको उपप्रधानन्त्री र सभामुखको भूमिका निर्वाह गरिसक्नु भएको छ ।