लागू औषधसहित दुई पक्राउ

राष्ट्र न्यूज सम्वाददाता
फागुन १७, २०७९
arrest-generic_650x400_71463458726

पोखरा, १७ फागुन । प्रहरीले पोखरामा लागू औषधसहित दुई जनालाई पक्राउ गरेको छ ।

लागू औषध नियन्त्रण ब्यूरो पोखरा र जिल्ला प्रहरी कार्यालय कास्कीको टोलीले पोखरा महानगरपालिका वडा नं.१३ चिसापानीमार्ग स्थित डेरा गरी बस्ने पोखरा ९ का २६ वर्षीय आशिष थकाली र पुतलिबजार नगरपालिका वडा नं. ६ घर भई हाल पोखरा १३ चिसापानी मार्ग बस्ने २७ वर्षीय सुमन गुरुङलाई पक्राउ गरेको हो ।

प्रहरीले उनीहरुको शरीर तथा डेराकोठाबाट लागू औषध खैरो हेरोईन (ब्राउन सुगर) जस्तो देखिने पदार्थ तत्काल तौल गर्दा ३० ग्राम, नाईट्रोभ्याट २५ चक्की, डिजिटल तराजु १ थान र मोवाईल २ थान बरामद गरेको छ ।

निजहरूलाई जिल्ला अदालतबाट लागू औषध सम्बन्धी मुद्दामा म्याद थप गरी अनुसन्धान प्रकृया अगाडी बढाइएको प्रहरीले जनाएको छ ।

Related News

सम्बन्धित समाचार

Archives

Archives