पोखरा, २७ माघ । चापाकोट देउराली सामुदायिक होमस्टे सांस्कृतिक महोत्सव – २०७९ जारी रहेको छ ।

चापाकोट देउरालीमा २४ गदेदेखि शुरु भएको महोत्सव २८ गतेसम्म चल्नेछ । चापाकोट पर्यटन प्रवद्र्वन समितिले महोत्सव आयोजना गरेको हो ।

महोत्सवमा बोल्दै पोखरा महानगरपालिका मेयर धनराज आचार्यले महोत्सवले संस्कृति संरक्षणमा महत्वपूर्ण भूमिका निर्वाह गर्ने विश्वास व्यक्त गर्नुभयो ।

महोत्सवमा नौमती बाजा प्रतियोगिता, भजन प्रतियोगिता, रत्यौली प्रतियोगिता, महिला र पुरुष दौड प्रतियोगिता गरिएको छ ।

महोत्सव २५ हजार दर्शकले अवलोकन गर्ने आयोजकको अपेक्षा छ । होमस्टेसँगै स्थानीय क्षेत्रको प्रवद्र्वन गर्न महोत्सव सफल हुने आयोजक समितिका अध्यक्ष भिम पराजुलीले जानकारी दिनुभयो ।