पोखरा, २६ माघ । पोखरामा आज भएको सवारी दुर्घटनामा एक जनाको मृत्यु भएको छ ।

दुर्घटनामा पोखरा बुढीबजार निवासी अन्दाजी २६ वर्षीया रेजिना आचार्यको मृत्यु भएको हो ।

ना.८.ख ५२५१ नम्बरको बसले ग. १५.प २४७६ नम्बरको स्कुटरलाई ठक्कर दिदाँ स्कुटर चालक आचार्यको मृत्यु भएको हो । दुर्घटना पोखराको पृथ्वीचोकस्थित चाइनापुल नजिकै दुर्घटना भएको प्रहरीले जनाएको छ ।

दुर्घटनामा घाइते आचार्यको उपचारका क्रममा मृत्यु भएको थियो । दुर्घटना बारे अनुसन्धान भैरहेको छ ।