पोखरा, २५ माघ । चापाकोट पर्यटन प्रवद्र्वन समितिको आयोजनामा चापाकोट देउरालीमा तेस्रो चापाकोट देउराली सामुदायिक होमस्टे साँस्कृतिक महोत्सव – २०७९ सुरु भएको छ ।

महोत्सव उद्घाटन गदै गण्डकी प्रदेशका मुख्यमन्त्री खगराज अधिकारीले फेवाताल जोगाउन पोखरा –२३ का वडाबासीको महत्वपूर्ण भूमिका रहेको बताउनुभयो ।

गण्डकी प्रदेशसभाका निर्वतमान सदस्य राजीव पहारीले पोखरा २३ को विकासको लागि आफूले पहल गरेको बताउनुभयो ।

वडा अध्यक्ष रामकाजी गुरुङले मेला महोत्सवले वडाको विकासमा सहयोग हुने उल्लेख गर्नुभयो ।

कार्यक्रममा समाजसेवी शिवलाल पराजुली, महोत्सव संयोजक चेतनाथ देवकोटा, चापाकोट पर्यटन प्रवद्र्वन समितिका अध्यक्ष भिम पराजुली लगायतले बोल्नुभएको थियो ।

२८ गते सम्म हुने मेला २५ हजार भन्दा बढीले अवलोकन गर्ने चापाकोट पर्यटन प्रवद्र्वन समितिका अध्यक्ष भिम पराजुलीले जानकारी दिनुभयो । महोत्सवमा विभिन्न प्रतियोगिता समेत राखिएको छ ।