आँखा शिविरबाट दुई सय २० जना लाभान्वित

राष्ट्र न्यूज सम्वाददाता
पौष २७, २०७९
Eye

पोखरा,२७ पुस । लायन्स क्लब अफ पोखरा लेकसिटी तथा दृष्टिविहीन कल्याण संघ कास्कीको संयुक्त आयोजनामा पर्वत जिल्ला कुश्मा नगरपालिकाको शिवालय माविमा आँखा जाँच शिविर सम्पन्न गरिएको छ ।

हिमालयन आँखा अस्पताल पोखराको प्राविधिक सहयोगमा भएको शिविरमा दुई सय २० जनाको आँखा परीक्षण गरिएको लायन्स क्लब अफ लेकसिटी एवं कार्यक्रमका अध्यक्ष कैलाशदेव पालिखेले जानकारी दिनुभयो । तीमध्ये २१ जनाको विशेष उपचार र ६७ जनालाई निःशुल्क औषधि वितरण गरिएको थियो ।

कार्यक्रममा लायन्स क्लब इण्टनेशनल ३२५ के नेपालका साइट फस्र्ट चिफ टोप बहादुर थापाले आँखा परीक्षण शिविर आयोजना गरेर उदाहरणीय कार्य गरेको बताउनुभयो ।

कार्यक्रममा शिवालय मावि व्यवस्थापन समिति अध्यक्ष इश्वर गिरी, हिमालयन आँखा अस्पतालका दृष्टिरोग विशेषज्ञ डाक्टर नवीन बराल, नेपाल दृष्टिविहीन कल्याण संघ कास्कीका सदस्य नारायण शर्माले बोल्नुभएको थियो ।

Related News

सम्बन्धित समाचार

Archives

Archives