पोखरा, २६ साउन । रक्षाबन्धनको अवसरमा पोखरा – ८ रत्नचोकस्थित श्री कृष्ण प्रणामी मन्दिरमा शुक्रबार रक्षाबन्धन विशेष कार्यक्रम हुने भएको छ ।
कार्यक्रममा करिब चार सय जनाले रक्षाबन्धन ग्रहण गर्ने अनुमान गरिएको छ ।
मन्दिरमा साउन २ गतेदेखि श्रीमद् बितक चर्चा शब्द दर्शन तथा श्रीकृष्ण कथा कार्यक्रम पनि जारी नै रहेको छ । कथा कार्यक्रम भदौ ३ गतेसम्म चल्नेछ ।
भदौ ३ गते श्रीकृष्ण जन्माष्टमी प्राकट्य महोत्सव पनि गरिने छ । जन्माष्टमीको कार्यक्रमको तयारी तिव्र पारिएको अध्यक्ष पुरुषोत्तम रेग्मीले जानकारी दिनुभयो ।
कथा कार्यक्रममा गुरुजी बाणी तथा बितक कथाकार युवा धर्म प्रचारक श्री श्यामदास महाराजले सङ्गीतमय कथा प्रवचन गर्नुभएको छ ।
हरेक दिन बिहान ११ देखि दिउँसो २ बजेसम्म चल्ने कार्यक्रममा दैनिक तीन सय बढी सुन्दरसाथजी भक्तजनको सहभागिता रहेको सचिव देवी प्रसाद खतिवडाले जानकारी दिनुभयो । हालसम्म करिब आठ हजार भक्तजनले सहभागिता जनाउनु भएको छ ।
मन्दिर स्थापनाकाल २०४८ सालदेखि नै वर्षेनी कार्यक्रम गर्ने गरिएको छ । यसपटक समेत गरी ३१ औ पटक कार्यक्रम गरिएको हो।
Related News
सम्बन्धित समाचार
रेडियो बाराहीका प्रबन्ध निर्देशक पौडेललाई मातृशोक
हिल प्वाइन्ट मा.विमा अभिभावक दिवस
कास्कीमा अफ्रिकन स्वाइन फिभर रोगको संक्रमण बढ्दो
सोंथर बेँसी मेलाको तयारी तिव्र
हेम्जा वोर्डिङको फागुनमा वार्षिकोत्सव
Archives
Archives