पोखरा, २३ साउन । पोखरा – ५ पस्र्याङमा २ एस सर्भिस सेन्टर पोखरा अटो वर्कस संचालनमा ल्याइएको छ ।

नेपालका लागि महिन्द्रा फोरव्हिलको एक मात्र आधिकारीक विक्रेता रहेको अग्नी ग्रुपले आफ्ना सेवाग्राहीको सुविधका लागि संचालनमा ल्याएको हो । पोखरा अटो वर्कस अग्नी ग्रुपको ३ एस डिलर बतास ब्रदर्श प्रा.लिको सब डिलर कम्पनी पनि हो ।

सोमबार आयोजित कार्यक्रमबीच अग्नी ग्रुपका प्रबन्ध निर्देशक क्याबिनेट श्रेष्ठ, अग्नी ग्रुपका कार्यकारी निर्देशक अर्जुन प्रसाद शर्मा र बतास अर्गनाइजेशनका अध्यक्ष आनन्दराज बतासले अटो वर्कसको उद्घाटन गर्नुभयो ।

अग्नी ग्रुपले हाल देशभर आफ्ना नेटवर्कहरुबाट सेवाग्राहीलाई सेवा दिइरहेको छ । ग्रुपले उत्कृष्ट र सहज सेवाको पहुँच बढाउने उद्देश्यले थप नेटवर्क विस्तार गर्दै डिलर र सब डिलरहरु संचालन गर्ने लक्ष्य लिएको छ ।

कार्यक्रमका अध्यक्ष आनन्दराज बतासले सबैको सहयोग र सद्भाव पाइरहेको बताउनुभयो ।

त्यस अवसरमा बतास अर्गनाइजेशनका प्रमुख संचालन अधिकृत राजेश रानाभाटले पनि बोल्नुभएको थियो ।