पोखरा, ११ माघ । जिल्ला प्रशासन कार्यालय कास्कीले कास्की जिल्लामा सिटामोलको अवस्था बारेमा अनुगमन गरेको छ ।
कोरोना संक्रमितको संख्या बढेसँगै देशका विभिन्न स्थानमा सिटामोलको अभाव रहेको बेला कास्कीमा भने अभावको अवस्था आउन नदिन अनुगमन गरिएको हो । जिल्ला प्रशासन कार्यालयले मङ्गलबार तीन वटा टोली परिचालन गरी अनुगमन गरेको थियो ।
प्रशासकीय अधिकृतहरु घनश्याम गौतम, राजेन्द्र शर्मा र दीपक रेग्मी नेतृत्वको तीन वटा टोलीले अनुगमन गरेको नायव सुब्बा शिव प्रसाद गौतमले जानकारी दिनुभयो ।
टोलीले पोखरामा रहेका १२ वटा औंषधी सप्लायर्स तथा फार्मेसीको अनुगमन गरेको हो । अनुगमनका क्रममा मल्ल डिष्ट्रिव्यूटर्समा एक लाख ५० हजार र हिम सागर सप्लायर्समा एक लाख १२ हजार ट्याब्लेट सिटामोल स्टक रहेको पाइएको छ ।
थोक विक्रेताको साथमा कम स्टक रहेपनि फार्मेसीहरुमा भने पर्याप्त मात्रामा सिटामोल रहेको पाइएकाले कास्की जिल्लामा सिटामोलको अभाव नहुने जिल्ला प्रशासन कार्यालय कास्कीले जनाएको छ ।
Related News
सम्बन्धित समाचार
गण्डकी प्रज्ञा–प्रतिष्ठानले प्रकटका कृति प्रकाशन गर्ने
पोखराका केहीस्थानमा टेलिफोन सेवा अवरुद्व हुने
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
महोत्सवमा आलु किन्नेको भिड
घान्द्रुक पर्यटन महोत्सव सुरु
Archives
Archives