पोखरा, ६ कात्तिक पर्यटन, उद्योग, वाणिज्य तथा आपूर्ति मन्त्री मणि भद्र शर्माले काँग्रेसले बहुमत ल्याउने गरी निर्वाचनको तयारीमा जुट्नुपर्ने बताउनु भएको छ ।
कास्कीको माछापूच्छ«े गाउँपालिका वडा नं ३ घाचोक इकाइ समिति र पोखरा महानगरपालिका वडा नं २५ इकाइले समितिले शनिवार आयोजना गरेका छुट्टाछुट्टै कार्यक्रममा बोल्दै उहाँले त्यस्तो बताउनु भएको हो । देशको विकास र जनताको आवश्यकता पूरा गर्नका लागि काँग्रेसले बहुमत ल्याउनुपर्ने उहाँको भनाइ छ ।
नेपाल काँग्रेसका नेता समेत रहनु भएका मन्त्री शर्माले काँग्रेस एउटा पार्टी मात्र नभएर नेपाली राजनीतिको अभिभावक भएको भन्दै देशलाई हरेक संकटबाट निकास दिएको बताउनुभयो ।
उहाँले कम्युनिष्टले देशमा समस्या मात्रै सृजना गरिरहेको बताउनुभयो । मन्त्री शर्माले आफू हारेर पनि जनता र देशलाई जिताउने पार्टी काँग्रेस भएको दावी गर्नुभयो ।
विभिन्न चाडपर्वको अवसरमा आयोजित दुवै कार्यक्रममा उहाँले विभिन्न पार्टी परित्याग गरेका करिब तीन सय जनालाई पार्टीको सदस्यता प्रदान गरी स्वागत गर्नुभएको थियो । पार्टी प्रवेश गरेकाहरुलाई उचित जिम्मेबारीका लागि सम्मान दिनुपर्ने उहाँको भनाइ छ ।
Related News
सम्बन्धित समाचार
गण्डकी प्रज्ञा–प्रतिष्ठानले प्रकटका कृति प्रकाशन गर्ने
पोखराका केहीस्थानमा टेलिफोन सेवा अवरुद्व हुने
दोस्रो राष्ट्रिय संगीत अवार्ड समारोहमा पत्रकार रञ्जन अधिकारीलाई सम्मान गरिने
महोत्सवमा आलु किन्नेको भिड
घान्द्रुक पर्यटन महोत्सव सुरु
Archives
Archives