काँग्रेस पोखरा महानगरको नेतृत्वका लागि वास्तोलाद्वारा उम्मेद्वारी घोषणा

राष्ट्र न्यूज सम्वाददाता
भाद्र २१, २०७८
press Meet

पोखरा, २१ भदौं । नेपाली काँग्रेसको १४ औं महाधिवेशनमा पोखरा महानगरपालिकाको सभापति पदको लागि पोखरा ११ फूलबारीका मोहन प्रसाद बास्तोलाले उम्मेद्वारी घोषणा गर्नुभएको छ ।

पोखरामा सोमबार पत्रकार सम्मेलन गरी आफ्नो वडाका क्षेत्रीय प्रतिनिधिको उपस्थितिमा उहाँले उम्मेद्वारी घोषणा गर्नुभएको हो ।

उहाँ हाल पोखरा महानगरपालिका वडा नं ११ को वडा अध्यक्ष हुनुहुन्छ । जनप्रतिनिधिका रुपमा पोखरा महानगरपालिका पुगेपछि उहाँले विकास समिति संयोजक र वातावरण तथा विपद् व्यवस्थापन समितिको सभापतिको रुपमा ४ वर्ष काम गर्नुभएको छ ।

उहाँले आउँदो निर्वाचनमा कास्कीमा काँग्रेसलाई सबैभन्दा ठूलो पार्टी बनाउनका लागि आफ्नो उम्मेद्वारी भएको बताउनुभयो ।

उहाँले जनप्रतिनिधि भएर काम गर्दा बटुलेका अनुभव उपयोग गर्न पार्टीको नेतृत्वमा पुगेर जनताको सेवा गर्न चाहेको उल्लेख गर्नुभयो ।

महानगरपालिका भित्रको अनेकांै व्यथितिहरुलाई चिर्न पनि काँग्रेस आगामी चुनावमा पहिलो पार्टी भएर महानगरपालिकमा प्रवेश गर्नै पर्ने उहाँको भनाइ छ ।

‘पोखराका ३३ वटा वडामा पुगेर त्यहाँको आवश्यकता र समस्या बुझेको छु, उहाँले भन्नुभयो, जसका कारण पार्टीको नेतृत्वमा रहेर काम गर्न अरुलाई भन्दा मलाई सजिलो छ ।’ उहाँले आफू कुनै पनि गुट उपगुटमा रहेर नभइ स्वतन्त्र रुपमा उम्मेद्वारी घोषणा गरेको स्पष्ट पार्नुभयो ।

उहाँले वडा अध्यक्ष हुँदा पार्क निमार्ण, मठ मन्दिर तथा क्रियापुत्री भवन निर्माण तथा संरक्षणलाई विशेष जोड दिएको बताउनुभयो ।

नेपाली काँग्रेस पोखरा ११ का सभापति हरि प्रसाद बास्तोलाको अध्यक्षतामा भएको कार्य क्रम सचिव सूर्य घिमिरेले संचालन गर्नुभएको थियो ।

Related News

सम्बन्धित समाचार

  • समानुपातिकतर्फको सिट बाँडफाँटसहित दलहरूलाई पत्र

    रासस मंसिर २१, २०७९
    काठमाडौँ, २१ मङ्सिर (रासस) :यही मङ्सिर ४ गते सम्पन्न प्रतिनिधिसभा तथा प्रदेशसभा सदस्य निर्वाचनअन्तर्गत समानुपातिक प्रणालीतर्फ सबै मतगणना सकिएपछि निर्वाचन…
  • हात्तीको आक्रमणबाट मृत्यु

    रासस मंसिर २१, २०७९
    दोधारा चाँदनी, २१ मङ्सिर (रासस)ःकञ्चनपुरमा हात्तीको आक्रमणबाट बेदकोट नगरपालिका–१ स्थित हात्तीथलाका ७१ वर्षीया हीरादेवी धानुकको मङ्गलबार मृत्यु भएको छ ।…
  • पुलबाट ट्रक खस्दा एकको मृत्यु

    राष्ट्र न्यूज सम्वाददाता मंसिर २०, २०७९
    भरतपुर, २० मङ्सिर (रासस):नारायणगढ–मुग्लिन सडकखण्डको तीन नम्बर पुलबाट आज बिहान ट्रक खसेको छ । मुग्लिनबाट नारायणगढतर्फ आइरहेको बा२ख ७४६२ नम्बरको…
  • कांग्रेसमा अन्तर्घात गर्नेको सूची केन्द्रमा पठाउन निर्देशन

    रासस मंसिर १८, २०७९
    काठमाडौँ, १८ मङ्सिर (रासस) :नेपाली कांग्रेसले यही मङ्सिर ४ गते सम्पन्न प्रतिनिधिसभा र प्रदेशसभा सदस्य निर्वाचनमा पार्टीभित्र अन्तर्घात गरी असहयोग…
  • मोक्षदा एकादशी : गीता जयन्ती मनाइँदै

    रासस मंसिर १८, २०७९
    काठमाडौँ, १८ मङ्सिर (रासस) :वैदिक सनातन हिन्दू धर्मावलम्बीको धार्मिक ग्रन्थ गीता प्रादुर्भाव भएको दिनको सम्झनामा पाठपारायण एवं प्रवचनलगायत विविध कार्यक्रम…