पोखरा, २० भदौ । पोखरा १६ बाटुलेचौर निवासी काँग्रेसका युवा नेता अमृत शर्मा तिमिल्सिना नेपाली काँग्रेस यातायात व्यवसायी समन्वय विभागको गण्डकी प्रदेश सचिवमा मनोनित हुनुभएको छ ।

विभागका प्रमुख महेन्द्र यादवले उहाँलाई सचिव पदमा मनोनित गर्दै पार्टीको स्थानीय तह, समन्वय विभाग तथा पार्टीलाई सुदृढ र गतिशील बनाउन महत्वपूर्ण भूमिका निर्वाह गर्ने अपेक्षा गर्नुभएको छ ।

लामो समयदेखि यातायात क्षेत्रमा संलग्न तिमिल्सिना हाल पोखरा यातायात प्रा.लिको प्रवन्ध निर्देशक र नेपाल यातायात व्यवसायी राष्ट्रिय महासंघ कास्कीको महासचिव हुनुहुन्छ ।
उहाँ भदौ १८ गतेसम्म वडा अधिवेशनबाट नेपाली काँग्रेस वडा कार्यसमिति पोखरा १६ को सभापतिमा निर्वाचित हुनुभएको थियो ।

यातायात क्षेत्रको विकास र पार्टीको सुदृढिकरणमा समर्पित भएर लाग्ने प्रतिवद्वता व्यक्त गर्दै उहाँले सबैबाट सहयोग, सुझाव र सद्भावको अपेक्षा गर्नुभएको छ ।