पोखरा, १७ भदौ । बुद्ध एयरले बुधबार पोखराबाट सिमरा उडान शुरु गरेको छ ।

गण्डकी प्रदेशका पर्यटन, उद्योग, वाणिज्य तथा आपूर्तिमन्त्री मणिभद्र शर्मा कँडेलले सेवा शुभारम्भ गर्नुभयो ।

शुभारम्भसँगै पर्यटन मन्त्रीसहित नेपाल पर्यटन बोर्डका प्रतिनिधि र पर्यटन सम्बद्ध क्षेत्रका पदाधिकारी तथा सञ्चारकर्मी सहितको १८ जनाको टोली सिमरा गएको छ ।

पर्यटन मन्त्री शर्माले पोखरा सिमरा उडानले पर्यटन प्रवद्र्वनमा टेवा पु¥याउने उल्लेख गर्नुभयो । उहाँले पर्यटन क्षेत्रको विकाससँगै पर्यटन व्यवसायीलाई उत्साहित बनाउन आफ्नो भूमिका रहने बताउनुभयो ।

बुद्ध एयरले पोखरा—सिमरा उडान हप्ताको तीन दिन गर्न लागेको पोखरास्थित बुद्ध एयरका स्टेशन म्यानेजर गौतम बरालले जानकारी दिनुभयो । बुद्ध एयरले प्रारम्भमा १८ सिट क्षमताको बीच क्राफ्टमार्फत आफ्नो उडान भर्ने छ ।

मन्त्री सहितको टोलीले सिमरामा नाट्टा गण्डकी प्रदेश र नाट्टा प्रदेश नं २ को संयोजनमा त्यहाँका पर्यटन व्यवसायी, उद्योगी तथा जनप्रतिनिधिसँग आन्तरिक पर्यटन पुनरुत्थान लगायतका विषयमा छलफल गर्ने कार्यक्रम रहेको छ ।