पोखरा, ४ भदौ । पोखरामा अवैध रुपमा चन्दा संकलन गर्ने तीन जनालाई प्रहरीले पक्राउ गरेको छ ।

पक्राउ पर्नेमा झापाको विर्तामोड नगरपालिका–१ बस्ने ३४ वर्षीया एलिजा बस्नेत, ३२ वर्षीय टेक बहादुर बस्नेत र झापाकै हल्दोबारी गाँउपालिका–१ बस्ने ४४ वर्षीय धन बहादुर सेन्चुरी छन् ।

पोखरा महानगरपालिका –२६ बिजयपुरस्थित न्यू हाईवे स्टाफ होटेल एण्ड लजबाट नगद चार लाख छ हजार चार सय छ रुपैयाँसहित पक्राउ गरिएको हो । युनिक स्वयंसेवक नेपाल नामक संस्थाको नामबाट अवैध रुपमा चन्दा संकलन गरेको प्रहरीले जनाएको छ ।