पोखरा, १० असार । नेपाल प्रेस युनियनका केन्द्रीय पार्षद् युवा पत्रकार सुदिपराज ढुङ्गानालाई मातृशोक परेको छ ।

उहाँकी आमा खिमकुमारी ढुङ्गानाको ७४ वर्षको उमेरमा निधन भएको हो ।

पोखराको पश्चिमाञ्चल क्षेत्रीय अस्पतालमा उपचारका क्रममा बुधबार राति निधन भएको हो । उहाँलाई विगत एक महिनादेखि निमोनियाको समस्या थियो ।

उहाँको पार्थिव शरीर बिहीबार बिहान १० बजे पोखराको रामघाटस्थित सेती नदी किनारमा अन्त्येष्टि गरिने छ ।

उहाँका तीन छोरा, तीन छोरी हुनुहुन्छ । तीन छोरामध्य सुदिप माइलो छोरा हुनुहुन्छ ।

सुदीप नेपाल पत्रकार महासंघको गण्डकी परिषद् सदस्यसँगै लायन्स गतिविधिमा संलग्न रहदै सामाजिक क्रियाकलापमा अग्रसर रहनु भएको छ ।