पोखरा, ६ असार । नेपाल परिवार नियोजन संघ कास्कीले कोरोना माहामारीका कारण संकटमा परेका पाँच परिवारलाई खाद्यान्न सहयोग गरेको छ ।

एचआईभी संक्रमित र प्रभावित अति बिपन्न परिवारलाई चामल, तेल, दाल, नुन, चना, सोयाविन लगायतको खाद्यान्न सहयोग गरेको हो ।

संघमा आइतबार आयोजित कार्यक्रममा सभापति निरञ्जन प्रसाद श्रेष्ठले खाद्यान्न हस्तान्तरण गर्नुभएको उपसभापति नवीन सिग्देलले जानकारी दिनुभयो ।

शाखाका निमित्त प्रवन्धक नवराज तिवारीका अनुसार, केयर एण्ड सपोर्ट कार्यक्रम अन्तर्गत एनएपी प्लस एनसँगको सहकार्यमा सहयोग गरिएको हो ।