गण्डकी सरकार प्रवक्तामा मन्त्री खड्का

राष्ट्र न्यूज सम्वाददाता
जेठ ३०, २०७८
kumar khadka

पोखरा, ३० जेठ । गण्डकी प्रदेश सरकारले मन्त्री कुमार खड्कालाई सरकारको प्रवक्ता तोकेको छ ।

शनिवार कृष्णचन्द्र नेपाली पोखरेलको नेतृत्वमा सरकार गठन भएपछि आइतबार बसेको पहिलो मन्त्रिपरिषद् बैठकले मन्त्री खड्कालाई प्रवक्ता तोकेको हो ।

नेपाली काँग्रेसका आमन्त्रित केन्द्रीय सदस्य रहनु भएका प्रवक्ता खड्का पूर्व महिला, बालबालिका तथा समाज कल्याण मन्त्री हुनुहुन्छ । उहाँ स्पष्ट वक्ता, मिलनशार र निडर मानिनु हुन्छ ।

पोखरा महानगरपालिका वडा नं १६ निवासी मन्त्री खड्काले यस अघि पनि सरकारमा मन्त्री भएर भूमिका निर्वाह गर्नुभएका कारण उहाँको अनुभवले गण्डकी प्रदेश सरकार संचालनमा थप योगदान पुग्ने अपेक्षा गरिएको छ ।

बैठकमा सरकारको आगामी नीति तथा कार्यक्रमलगायत विषयमा छलफल भएको छ । बैठकले पूर्व मुख्यमन्त्रीलाई सुविधा उपलब्ध गराउने निर्णय गरेको छ ।

Related News

सम्बन्धित समाचार