आज कास्कीका ८१ स्थानबाट खोप दिइदै

राष्ट्र न्यूज सम्वाददाता
जेठ २७, २०७८
SR-Rampur-jesthaNangrikCoronaKhopb

पोखरा, २७ जेठ । कास्कीमा आज ८१ स्थानबाट कोभिड – १९ विरुद्वको खोप दिइदै छ ।

कास्कीमा ६२ वर्ष पूरा भई ६५ वर्ष ननाघेका नागरिकलाई पहिलो मात्रा भेरोशिल खोप दिन लागिएको हो ।

पोखरा महानगरपालिकाभित्र ४२, अन्नपूर्ण, माछापुच्छ«े, रुपा गाउँपालिकाका नौ÷नौ स्थान र मादी गाउँपालिकाका १२ स्थानमा खोप केन्द्रको व्यवस्था गरिएको स्वास्थ्य कार्यालय कास्कीका प्रमुख बाबुराम आचार्यले जानकारी दिनुभयो ।

‘खोप लगाउनका लागि आवश्यक तयारी पूरा भएको छ, प्रमुख आचार्यले भन्नुभयो– नागरिकता वा उमेर खुल्ने कागजात सहित खोप केन्द्रमा पुगेर खोप लगाउन अनुरोध छ।’ बिहान १० देखि दिउँसो ४ बजेसम्म खोप लगाउन सकिनेछ ।

यसपटक कास्कीका आठ हजार जनालाई खोप लगाउने तयारी छ । कास्कीका लागि १६ हजार मात्रा खोप आएको छ ।

आठ हजार जनालाई दोस्रो मात्रा समेत पुग्ने गरी खोपको व्यवस्था मिलाइएको प्रमुख आचार्यको भनाइ छ । आठ हजार जनालाई आज एकै दिन खोप लगाइने छ । आज खोप लगाएकाहरुलाई २८ दिने पछि नै दोस्रो मात्राको खोप दिइने प्रमुख आचार्यको भनाइ छ ।

खोप केन्द्रमा दुई जना खोप कार्यकर्ता र आवश्यता हेरी दुईदेखि तीन जनासम्म स्वास्थ्य स्वयंसेवक परिचालन गरिने छ ।

Related News

सम्बन्धित समाचार