पोखरा, २१ जेठ । अनियन्त्रित भई ट्याक्टर पल्टदा शुक्रबार एक जनाको मृत्यु भएको छ ।

दुर्घटनामा ट्याक्टरमा सवार लमजुङ राईनास नगरपालिका–४ सातबिसेका अन्दाजी ६० वर्षीय राम बहादुर कुमालको मृत्यु भएको प्रहरीले जनाएको छ । ट्याक्टरमा सवार कुमाललाई ट्याक्टरले च्याप्दा घटनास्थलमा नै मृत्यु भएको हो ।

दुर्घटनामा ट्याक्टर चालक एक बहादुर कुमाल घाइते हुनुभएको छ । उहाँको लमजुङ अस्पतालमा उपचार भैरहेको छ ।

लमजुङको राईनास नगरपालिका –८ भैसे खोलास्थित तिनपिप्लेतर्फ जाँदै गरेको ग १ त ५६९४ नम्बरको ट्याक्टर आफै अनियन्त्रित भई पल्टेको थियो ।