पोखरा, २० जेठ । अन्तर्राष्ट्रिय कृष्णभावनामृत संघ (इस्कोन) नेपाल पोखरा शाखाले भगवद् गिता प्रतियोगिता आयोजना गरेको छ ।
आधुनिक युगमा भगवद् गिताको महत्व बुझाउने उद्देश्यले प्रतियोगिता गरिएको इस्कोन पोखराका अध्यक्ष सुवास भण्डारीले जानकारी दिनुभयो ।
सबै उमेर समूहले सहभागिता जनाउन सक्ने प्रतियोगिता विगत दुई हप्तादेखि संचालन भैरहेको छ । प्रतियोगिताको समापन जेठ ३० गते गरिने छ । जेठ २९ गतेसम्म प्रतियोगितामा सहभागिता जनाउन सकिने इस्कोनले जनाएको छ । अहिलेसम्म २१ जनाले सहभागिता जनाइसकेको प्रतियोगितामा ५० जना बढी सहभागी हुने अनुमान गरिएको छ ।
प्रतियोगितामा सहभागिता जनाउने अधिकांश युवा छन् । सहभागिता जनाउने क्रम जारी छ । प्रतियोगितामा सहभागि हुन इस्कोन पोखराको अफिसियल पेजमा उल्लेख भगवद् गितासँग सवन्धित १० वटा विषयवस्तुमा आफ्नो वीचार प्रस्तुत गरी पाँच मिनेटसम्मको भिडियो बनाएर पठाउनुपर्ने छ ।
प्रतियोगितामा प्रथम हुनेलाई भगवद् गितासँग सवन्धित विभिन्न १५ वटा पुस्तक पुरस्कार स्वरुप प्रदान गरिने छ ।विगत सात वर्षदेखि पोखरामा शाखा विस्तार भएको इस्कोनले भगवद् गिताको माध्यमबाट समाजलाई सभ्य, शान्त र अनुशासित बनाउन विभिन्न कार्यक्रमहरु संचालन गर्दै आएको छ ।
‘दिग्भ्रमित भएका युवायुवती र गलत मार्गमा लागेका मानिसलाई सही मागदर्शन गर्ने उद्देश्यले कार्यक्रम गरेका छौं, इस्कोन पोखराका प्रमुख अम्बुजा कृष्ण दासले भन्नुभयो, सत्संग, मन्त्र मेडिटेशन, गोष्ठी र सेमिनार गरिरहेका छौं।’ मन्त्र मेडिटेशनले काममा एकाग्र बनाउने, मनलाई शान्त बनाउने र गलत आचारणबाट मुक्त बनाउने बताइएको छ ।
पोखरा ७ रत्नचोकमा रहेको इस्कोनमा शनिवार र मङ्गलबार सत्संग संचालन हुँदै आएको छ । नियमित रुपमा दुई सय साधक सत्संगमा सहभागि छन् ।
इस्कोनले युवाहरुका लागि मन नियन्त्रण गर्ने कला, तनाव व्यवस्थापन, व्यत्तित्व विकास, समय व्यवस्थापन कला, रिस सन्तुलन गर्ने कलाका बारे ज्ञान पनि दिने गरेको छ ।
Related News
सम्बन्धित समाचार
पोखरा १३ मा सामाजिक सुरक्षा भत्ता लिन आउनेलाई निशुल्क स्वास्थ्य परीक्षण
अपाङ्गमैत्री कानून निर्माणको मस्यौदा प्रदेश सरकारलाई हस्तान्तरण
पोखरा महानगरपालिका शिक्षा महाशाखाद्वारा तीन सय ९४ विद्यार्थीलाई छात्रवृत्ति
परिवार नियोजन संघको ४३ औं वार्षिक शाखा सभा
स्वास्थ्य क्षेत्रलाई मजबुत बनाउन गण्डकी सरकार क्रियाशील ः मन्त्री थापा
Archives
Archives