पोखरा, १४ जेठ । कास्कीमा आज पनि कोभिड १९ विरुद्वको दोस्रो मात्राको खोप लगाइदै छ ।

फागुन २३ गते अघि पहिलो प्राथमिकतामा परेर कोभिड १९ विरुद्वको कोभिशिल्ड खोप लगाएकाहरुलाई १३ र १४ गते दोस्रो मात्राको खोप लगाउन लागिएको हो ।

त्यतिबेला पहिलो मात्रामा स्वास्थ्यकर्मी, सुरक्षाकर्मी र सरसफाईकर्मीलाई प्राथमिकता दिइएको थियो ।

स्वास्थ्य कार्यालय कास्कीका प्रमुख बाबुराम आचार्यले सूचना प्रकाशित गरी पोखरा महानगरपालिका वडा नं ८, नयाँबजारस्थित शहरी स्वास्थ्य प्रवद्र्वन केन्द्रमा खोप लगाउने व्यवस्था गरिएको जानकारी दिनुभयो ।

‘पहिलो मात्रा लगाएर दोस्रो मात्राको खोप लगाउन छुुटेकाहरुका लागि मात्र हो, प्रमुख आचार्यले भन्नुभयो, छुटेका करीब एक हजार पाँच सय जनालाई दोस्रो मात्राको खोप दिने छौं।’

बिहान १० देखि दिउँसो ३ बजेसम्म खोप लगाउन सकिने छ ।१३ गते बिहीबार ४ सय ५३ जनालाई खोप दिइएको प्रमुख आचार्यले जानकारी दिनुभयो ।