पोखरा महानगर र बेलायतको बार्नेट बरो नगरबीच भगिनी सम्वन्ध

राष्ट्र न्यूज सम्वाददाता
जेठ ६, २०७८
pkr n london

पोखरा, ६ जेठ । पोखरा महानगरपालिका र बेलायतको बार्नेट बरो नगरबीच भगिनी सम्वन्ध गाँसिएको छ ।

भगिनी सम्वन्धमा बार्नेटकी मेयर डा. क्यारोलिन स्टक र बेलायतका लागि नेपाली राजदुत लोकदर्शन रेग्मीले सम्झौतापत्रमा हस्ताक्षर गर्नुभएको छ ।

कार्यक्रममा लन्डन बरो अफ बार्नेटकी मेयर डा. क्यारोलिन स्टकले बेलायत र नेपालबीच ऐतिहासिक सम्वन्ध रहेको बताउँदै दुई नगरबीच भगिनी सम्वन्ध हुँदा यो सम्वन्ध जनस्तरमा पुग्ने विश्वास व्यक्त गर्नुभयो । उहाँले पोखरा महानगरपालिकासँग भगिनी सम्वन्ध कायम गर्न पहल गरेकोमा उपमेयर लक्ष्य गुरुङको प्रशंसा गनुभयो ।

कार्यक्रममा बोल्दै लन्डन बरो अफ बार्नेटका उपमेयर लक्ष्य गुरुङले सन् २००५ मा बार्नेटमा बसोबास गर्न आउँदादेखि नै दुई शहरबीच सम्वन्ध स्थापित गर्ने चाहाना अहिले पूरा हुँदा अत्यन्तै खुसी लागेको उल्लेख गर्नुभयो ।

त्यस अवसरमा बेलायतका लागि नेपाली राजदूत लोकदर्शन रेग्मीले दुई नगरबीच भगिनी सम्वन्ध स्थापित हुँदा सामाजिक, शैक्षिक, साँस्कृतिक क्षेत्रमा सहयोग पुग्ने विश्वास व्यक्त गर्नुभयो ।

कार्यक्रममा एनआरएनए यूके अध्यक्ष पुनम गुरुङ, पोखरेली मञ्च यूकेका मानप्रसाद गुरुङ, बार्नेटबाट मार्टिन रासेललगायतले बोल्नुभएको थियो ।

कार्यक्रममा एनआरएनए यूके पूर्व अध्यक्ष सूर्य गुरुङ, बार्नेट ओक नेपाली समाजका अध्यक्ष विष्णु गुरुङ, तमुधिं लण्डन इकाइ पूर्व अध्यक्ष डेविड गुरुङ, उपाध्यक्ष भरत गुरुङ, दिलमाया गुरुङलगायतको उपस्थिति थियो।

Related News

सम्बन्धित समाचार

  • जरोटुप्पोमा विनोद गौचनको ६९ औं जन्मजयन्ती

    राष्ट्र न्यूज सम्वाददाता जेठ १३, २०८०
    पोखरा, १३ जेठ । जरोटुप्पो संरक्षण साहित्य समाज नेपालले कवि तथा गीतकार विनोद गौचनको ६९ औं जन्मजयन्ती विविध कार्यक्रमका साथ…
  • पोखरामा राष्ट्र संघको नमुना महासभा हुने

    राष्ट्र न्यूज सम्वाददाता जेठ १२, २०८०
    पोखरा, १२ जेठ । पोखरामा संयुक्त राष्ट्र संघको नमुना महासभा शुक्रवारदेखि सुरु हुँदैछ । तीन दिनसम्म चल्ने महासभामा १५ जिल्लाका…
  • लागू औषधसहित तीन जना पक्राउ

    राष्ट्र न्यूज सम्वाददाता जेठ ११, २०८०
    पोखरा, ११ जेठ । पोखरामा प्रहरीले लागू औषधसहित तीन जनालाई पक्राउ गरेको छ । वडा प्रहरी कार्यालय रामबजार कास्की र…
  • रेडियो हेमजा एघारौं वर्षमा

    राष्ट्र न्यूज सम्वाददाता जेठ ११, २०८०
    हेमजा, ११ जेठ । हेमजा सञ्चार सहकारी संस्थाद्वारा सञ्चालित सामुदायिक रेडियो, रेडियो हेमजा ८८.५ मेगाहर्ज एघारौं वर्षमा प्रवेश गरेको छ…
  • औषधी र स्वास्थ्य उपकरण बारे जानकारी लिन मुख्यमन्त्री पाण्डे स्टोरमा

    राष्ट्र न्यूज सम्वाददाता जेठ १०, २०८०
    पोखरा, १० जेठ । गण्डकी प्रदेशका मुख्यमन्त्री सुरेन्द्रराज पाण्डेले औषधी र स्वास्थ्य उपकरण स्वास्थ्य संस्था मार्फत जनताकहाँ पु¥याउन निर्देशन दिनुभएको…