पोखराका विद्यालयमा परीक्षा नहुने

राष्ट्र न्यूज सम्वाददाता
जेठ ४, २०७८
pokhara logo

पोखरा, ४ जेठ । कोरोना महामारीका कारण पोखराका विद्यालयहरुमा शैक्षिक सत्र २०७७ का वार्षिक परीक्षा नहुने भएको छ ।

विद्यार्थीको भौतिक उपस्थितिमा परीक्षा संचालन गर्न असम्भव देखिएकाले परीक्षा नहुने भएको हो ।

पोखरा महानगरपालिका शिक्षा महाशाखाले मङ्गलबार सूचना प्रकाशित गरी पोखरा महानगरपालिकाका विद्यालयलाई यस पूर्व संचालन गरेका त्रैमासिक, अर्धवार्षिक र आन्तरिक मूल्यांकनका आधारमा नतिजा प्रकाशित गर्न भनेको छ ।

महाशाखा प्रमुख हेम प्रसाद आचार्यद्वारा जारी सूचनामा शैक्षिक सत्र २०७८ को विद्यार्थी भर्ना कार्य असार १ गतेदेखि शुरु गर्न भनिएको छ ।

कक्षा ८ को वार्षिक परीक्षा भने नगर स्तरीय परीक्षा संचालन तथा समन्वय समितिको निर्णय अनुसार हुने सूचनामा उल्लेख छ ।
पोखरा महानगरपालिकाभित्रका कुनै पनि विद्यालयले वार्षिक परीक्षा नलिएको महाशाखा प्रमुख आचार्यको भनाइ छ ।यद्यपी करीब १० देखि १५ प्रतिशत निजी विद्यालयले भने अनलाइनमार्फत् परीक्षा लिइसकेका छन् ।

यस शैक्षिक सत्रमा एसइई, कक्षा ११ र १२ बाहेक करीब एक लाख विद्यार्थीले वार्षिक परीक्षमा सामेल हुँदै थिए ।

Related News

सम्बन्धित समाचार

  • सुत्केरीपछि आमा र नवजात शिशुको मृत्यु

    रासस माघ ९, २०७८
    सिमकोट, ९ माघ (रासस) । जिल्ला अस्पताल हुम्लामा सुत्केरी पछि आमा र नवजात शिशु दुवैको मृत्यु भएको छ । सिमकोट…
  • कास्की काँग्रेसको कोषाध्यक्षमा कर्माचार्य

    राष्ट्र न्यूज सम्वाददाता माघ ८, २०७८
    पोखरा, ८ माघ । नेपाली काँग्रेस कास्कीको कोषाध्यक्षमा माइकल कर्माचार्य चयन हुनु भएको छ । नेपाली काँग्रेस कास्कीका सभापति किशोरदत्त…
  • आजदेखि यातायातमा जोरबिजोर प्रणाली लागू

    रासस माघ ८, २०७८
    काठमाडौँ, ८ माघ (रासस) । कोभिड–१९ सङ्क्रमण तीव्र भएपछि त्यसलाई रोक्न काठमाडौँ उपत्यकामा आज बिहानैदेखि यातायातमा जोरबिजोर प्रणाली लागू गरिएको…
  • कांग्रेसका १६ जिल्लाको अधिवेशन स्थगित

    रासस माघ ७, २०७८
    काठमाडौँ, ७ माघ (रासस) । नेपाली कांग्रेसको १४औँ महाधिवेशनअन्तर्गत जिल्ला कार्यसमितिको निर्वाचन हुन बाँकी रहेका १६ जिल्लाको जिल्ला कार्यसमितिको अधिवेशन…
  • त्रिविविका सबै परीक्षा स्थगन

    रासस माघ ६, २०७८
    काठमाडौँ, ६ माघ (रासस)  । त्रिभुवन विश्वविद्यालयले सञ्चालन भइरहेका सबै परीक्षा स्थगन गर्ने निर्णय गरेको छ । विश्वविद्यालयको आजको बैठकले…