विपन्न र समस्यामा रहेकाहरुका लागि पेट्रोलियम डिलर्स एशोसियसनद्वारा आइशोलेशन

राष्ट्र न्यूज सम्वाददाता
वैशाख २९, २०७८
Pic of Bed

पोखरा, २९ वैशाख । गण्डकी धौलागिरि पेट्रोलियम डिलर्स एशोसियसनले आफ्नो कार्यालय भवनमा १० बेडको आइशोलेशन तयार गरेको छ ।

कोरोना संक्रमण भएका विपन्न परिवार वा डेरामा बस्नेहरुलाई समस्या देखिएकाले उनीहरुको प्रयोजनका लागि आइशोलेशन तयार गरिएको एशोसियसनका अध्यक्ष राजन गोगंजुले जानकारी दिनुभयो ।

एशोसियसनको पोखरा महानगरपालिका १४ चाउथेमा रहेको भवनलाई आइशोलेशन सेन्टर बनाइएको हो । जटिल प्रकृतिका संक्रमितका लागि नभै कोभिड देखिएका तर घर वा डेरामा परिवारसहित बस्न नमिल्नेका लागि प्रयोग गर्ने गरी तयारी बनाइएको उहाँले बताउनुभयो ।

कार्यालयमा अहिले १० बेड सहित १५ दिनलाई पुग्ने खाद्यान्न तथा प्रारम्भिक मेडिसिन र माक्स, सेनिटाइजर, तातोपानीको व्यवस्था गरिएको छ । कार्यालयमै किचन र मनोरन्जनका सामाग्रीहरु समेत राखिएको अध्यक्ष गोगंजुले जानकारी दिनुभयो ।

पेट्रोलियम क्षेत्रमा क्रियाशील मजदुर र तिनका परिवार वा अन्य त्यस्ता विपन्न वर्गका संक्रमितहरुलाई महानगरको स्वास्थ्य महाशाखासँग समन्वय गरेर राखिने बताइएको छ ।

पहिलो चरणमा १० बेड निर्माण गरिए पनि कार्यालयको क्षमता २० बेडसम्म राख्न सकिने गरिने विस्तार गरिएको अध्यक्ष गोगंजुले बताउनुभयो । संभव भए अक्सिजन सिलिण्डरको समेत व्यवस्था मिलाउने प्रयास भैरहेको छ ।

Related News

सम्बन्धित समाचार

  • हिल प्वाइन्ट मा.विमा अभिभावक दिवस

    राष्ट्र न्यूज सम्वाददाता फागुन ६, २०८०
    पोखरा, ६ फागुन । पोखरा महानगरपालिका १२ माटेपानीमा रहेको हिल प्वाइन्ट मा.विको ४३ औं वार्षिकोत्सव तथा अभिभावक दिवस विविध कार्यक्रम…
  • कास्कीमा अफ्रिकन स्वाइन फिभर रोगको संक्रमण बढ्दो

    राष्ट्र न्यूज सम्वाददाता माघ २९, २०८०
    पोखरा, २९ माघ । कास्कीमा सुंगुर, बंगुर तथा बंदेल प्रजातिमा लाग्ने अफ्रिकन स्वाइन फिभर रोगको संक्रमण बढेको छ । पशुपन्छि…
  • सोंथर बेँसी मेलाको तयारी तिव्र

    राष्ट्र न्यूज सम्वाददाता माघ २५, २०८०
    पोखरा, २५ माघ । कास्कीको मादी गाउँपालिका वडा नं ८ नागीधार पाखुरीकोट र १० भाचोक गाउँको संगम बेँसीको रुपमा रहेको…
  • हेम्जा वोर्डिङको फागुनमा वार्षिकोत्सव

    राष्ट्र न्यूज सम्वाददाता माघ २१, २०८०
    पोखरा, २१ माघ । हेम्जा वोर्डिङ स्कुल पोखरा— २५ हेमजाले २८ औं वार्षिकोत्सव, अभिभावक दिवस मनाउने भएको छ । फागुन…
  • सोतीपसलको मंगला माविमा शिविर

    राष्ट्र न्यूज सम्वाददाता पौष २२, २०८०
    पोखरा, २२ पुस । लायन्स क्लब अफ पोखरा हिमालयनले नेपाल परिवार नियोजन संघ कास्कीको प्राविधिक सहयोगमा निःशुल्क यौन तथा प्रजनन्…